परभणी ः कोरोना प्रतिबंधात्मक उपाययोजने अंतर्गत महापालिकेत देखील ५०-५० टक्के कर्मचारी उपस्थित राहतील याची विभागप्रमुखांनी अंमलबजावणी करावी, असे आदेश महापालिकेचे आयुक्त रमेश पवार यांनी दिले आहे. शहरातील दुकाने-आस्थापनांना देखील ५० टक्के बंदचा फॉर्म्युला लागू करावा, असे आदेश प्रभाग समित्यांना दिले आहेत.
राज्य शासनाने सरकारी कार्यालयात ५० टक्के कर्मचाऱ्यांचीच उपस्थिती राहावी, याबाबत अद्यादेश निर्गमित केले आहेत. त्या पार्श्वभूमीवर पालिकेचे आयुक्त पवार यांनी प्रभाग समित्यांचे सहाय्यक आयुक्त, शहर अभियंता, नगररचना विभाग, उपायुक्तांना या सुत्राची शुक्रवार (ता.२०) पासून अंमलबजावणी करण्याचे आदेश गुरुवारी (ता.१९) बजावले.
हेही वाचा - चिमणीला आले ‘अच्छे दिन’...!
विविध विभागांमध्ये कर्मचाऱ्यांचा शुकशुकाट
महापालिकेच्या मुख्य कार्यालयातील विविध विभागांमध्ये कर्मचाऱ्यांचा शुकशुकाट होता. तसेच नागरिकांसाठी देखील आयुक्त कार्यालय, महापौर कार्यालयाचे प्रवेशद्वारे बंद ठेवण्यात आली होती. अत्यावश्यकप्रसंगी आलेल्या नागरिकांना सबळ कारणाशिवाय प्रवेश दिला जात नव्हता. सध्या बाजारपेठेत शुकशुकाट दिसून येत आहे. त्यामुळे महापालिकेने शहरातील दुकाने-आस्थापनांना देखील ५० टक्के बंदचा फॉर्म्युला लागू करावा, असे आदेश प्रभाग समित्यांना दिले आहेत.
हेही वाचा - Video : माकडांच्या टोळीच्या उणाडक्या...!
आरोग्य सभापतीपद रिक्तच
माजी उपमहापौर व सभागृह नेते माजुलाला यांचे खंदे समर्थक समजले जाणारे नगरसेवक कलीम अन्सारी यांना दोन महिण्यांपूर्वी आरोग्य विभागाचे सभापतीपद बहाल करण्यात आले आहे. शहरात सध्या कोरोना प्रतिबंधक उपाययोजनांबाबतत पालिकेचा आरोग्य विभागाकडून अंमलबजावणी होत आहे. परंतू, त्याची प्रभावीपणे अंमलबजावणी करण्यासाठी, नियंत्रण व मार्गदर्शनासाठी सभापतींची अत्यंत आवश्यकता आहे. परंतू, अद्यापही त्यांनी पदभार घेतल्याचे दिसून येत नाही. सभागृहनेत्यांनी त्यांना पदभार घेण्याची व नागरिकांच्या आरोग्याच्या प्रश्नाबाबत जागरुक राहण्याची सूचना द्यावी, अशी अपेक्षा व्यक्त होत आहे.
रेल्वे, बसची गर्दी ओसरली
परभणी जिल्ह्यासह परजिल्ह्यात जाणाऱ्या गावांना जोडणाऱ्या बसेसला प्रवाशांची गर्दी कमी झाली आहे. नागरिक स्वतःहून आपली काळजी घेत गावाला जाणे टाळत आहेत. रेल्वेच्या वतीने गर्दी टाळण्यासाठी अनेक लांबपल्ल्याच्या गाड्या रद्द केल्या जात आहेत. यामुळे ये-जा करण्यासाठी पर्यायी मार्ग उरलेला नाही.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.