अंबड - शिवसेना (उबाठा) गटाचे माजी आमदार तथा सहसंर्कप्रमुख शिवाजीराव चोथे यांनी आपल्या पदाचा व शिवसेना प्राथमिक सदस्यत्वाचा राजीनामा मंगळवारी (ता. 26) शिवसेना (उबाठा) चे पक्ष प्रमुख उद्धव ठाकरे यांच्याकडे दिला आहे..दिलेल्या राजीनाम्यात चोथे यांनी म्हंटले की,मी गत ४० वर्षे शिवसेनेत विविध पदांवर काम केले. त्या माध्यमातून जनतेचे अनेक प्रश्न सोडविण्याचे प्रामाणिक प्रयत्न केले. शिवसेनाप्रमुख स्व.बाळासाहेब ठाकरे आणि आपला स्नेह आणि प्रेम नेहमीच या काळात माझ्या पाठीशी राहीले. त्याबद्दल मी आपला मनापासून आभारी आहे..काही वैयक्तिक कारणांमुळे मी माझ्या शिवसेना सहसंपर्क प्रमुख पद व शिवसेना पक्षाच्या प्राथमिक सदस्यत्वाचा राजीनामा आपल्याकडे नम्रपणे देत आहे. माझ्या आजपर्यंतच्या संपूर्ण राजकीय त्याचप्रमाणे सहकार क्षेत्रातील व शैक्षणिक क्षेत्रातील वाटचालीत आपली साथ मला नेहमीच राहात आलेली आहे..मी पक्षाचा राजीनामा जरी देत असलो तरी माझ्या हृदयात स्व. बाळासाहेब ठाकरे, आपण आणि मातोश्री बद्दल कायम स्नेह राहिल तसेच शेवटच्या श्वासापर्यंत प्रेमाची भावना यापुढेही पूर्वीप्रमाणेच राहील. अशा भावना शिवाजीराव चोथे यांनी राजीनाम्यातून व्यक्त केल्या..शिवसेना (उबाठा) गटाचा राजीनामा दिल्यानंतर शिवाजीराव चोथे यांनी आता सत्ताधारी असलेल्या शिवसेना पक्षात प्रवेश करण्यासाठी आपला मार्ग खुला केला आहे. यामुळे चोथे शिवसेनेचे पक्षप्रमुख तथा उपमुख्यमंत्री एकनाथ शिंदे यांच्याकडे निश्चितपणे जाणार अशी चर्चा सध्या ऐकायला मिळते. शिवसेना पक्षात अधिकृत प्रवेश करुण एकनाथ शिंदे यांच्या नेतृत्वाखाली पुन्हा राजकारणात सक्रिय होण्याची दाट शक्यता वर्तविण्यात येत आहे..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
