हिंगोलीत पावसाच्या हलक्या सरी, दुपारपर्यंत सूर्यदर्शनच नाही! | Hingoli Rain News | Sakal
sakal

बोलून बातमी शोधा

hingoli rain news

हिंगोलीत पावसाच्या हलक्या सरी, दुपारपर्यंत सूर्यदर्शनच नाही!

हिंगोली : हिंगोलीत सोमवारी (ता.सहा) भल्या पहाटे पावसाच्या हलक्या सरी कोसळल्या. त्या नंतर दुपारी दोन वाजेपर्यंत सूर्यदर्शन देखील झाले नव्हते. ढगाळ वातावरणामुळे उष्णता वाढली होती. तापमान ३९ अंशांवर होते. हिंगोली (Hingoli) जिल्ह्यात मागच्या दोन दिवसांपासून ढगाळ वातावरण निर्माण झाले आहे. वातावरणात कमालीची उष्णता वाढली असल्याने उकाडा वाढला आहे. दरम्यान सोमवारी सकाळी पाच वाजता हिंगोली शहरासह तालुक्यातील अंधारवाडी, कारवाडी, पिंपरखेड, पिंपळखुटा आदी भागात दहा ते पंधरा मिनिटे पावसाच्या हलक्या सरी कोसळल्या. (Light Showers In Hingoli, No Sunlight Till Noon)

हेही वाचा: 'पंतप्रधान मोदींचा फोटो वाईट पद्धतीने पाहण्याची वेळ भाजपाने आणलीय'

त्यानंतर ढगाळ वातावरण निर्माण झाले. दुपारी दोन वाजेपर्यंत हिंगोली शहरात सूर्यदर्शन झाले नव्हते. दरम्यानच्या कालावधीत उष्णता वाढली होती. ढगाळ वातावरण असून देखील तापमान ३९ अंशांवर होते. हवामान खात्याने पावसाचा (Rain) अंदाज व्यक्त केला आहे. बदलत्या वातावरणाने शेतीच्या कामांना वेग आला आहे. शेतकऱ्यांनी शेतात राहिलेली कामे सुरू केली आहेत.

हेही वाचा: तुम्हाला आमचे दुःख समजत नाही, असदुद्दीन ओवैसींची पंतप्रधान मोदींवर टीका

शेतातील मशागत करणे, शेणखत पसरविणे, काडी कचरा वेचणे, वळण करणे, शेतात निघालेल्या झाडांच्या पालव्या तोडणे यासह खते, बियाणे, औषधी खरेदी करण्याच्या कामाला सुरुवात झाली असल्याचे शेतकरी सांगत आहेत. मृग नक्षत्रात पेरणी व्हावी, अशी अपेक्षा शेतकरी व्यक्त करित आहेत.

Web Title: Light Showers In Hingoli No Sunlight Till Noon

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
टॅग्स :Hingoli
go to top