Lizard : पाण्याच्या बाटलीत आढळली पाल; नर्सिंगच्या चौघींना चक्कर, उलटीचा त्रास

जालना - जालना परिचर्या प्रशिक्षण केंद्र येथे गुरूवारी (ता.आठ) पिण्याच्या पाण्याच्या बाटलीत पाल आढळली. त्यातच या प्रकारानंतर नर्सिंगच्या चार विद्यार्थिनींना चक्कर आणि उलट्यांचा त्रास सुरू झाला. या चौघींना तत्काळ जिल्हा सामान्य रुग्णालयात उपचारासाठी दाखल करण्यात आले.

जिल्हा सामान्य रुग्णालयाच्या परिचर्या प्रशिक्षण केंद्र येथे गुरूवारी (ता.आठ) पिण्याच्या पाण्याच्या बाटलीमध्ये पाल आढळून आली. पाण्याच्या बाटली पाल असल्याची माहिती पडताच येथील तीन विद्यार्थिंनींना मळमळ, उलटी आणि चक्कर येण्याचा त्रास सुरू झाला. ही माहिती परिचर्या प्रशिक्षण केंद्राच्या प्राचार्यांना देण्यात आली. त्यानंतर त्यांनी त्यांनी तत्काळ या विद्यार्थिनींना जिल्हा सामान्य रुग्णालयात उपचारासाठी दाखल केले. या चार  विद्यार्थिनींची प्रकृती स्थिर आहे.

जिल्हा सामान्य रुग्णालयाच्या परिचर्या प्रशिक्षण केंद्रात पाण्याच्या बाटलीमध्ये पाल आढळून आल्यानंतर चार विद्यार्थिनींना उलटी, चक्कर येण्याचा त्रास सुरू झाला. त्या जिल्हा सामान्य रुग्णालयात उपचारासाठी दाखल झाल्या होत्या. त्यांची प्रकृती स्थिर आहे.

- अर्चना भोसले, जिल्हा शल्यचिकित्सक, जालना.