Latur : अहमदपूरमध्ये सासू, सासऱ्यामुळे सुनेने केली आत्महत्या; गुन्हा दाखल

अहमदपूर (जि.लातूर) : तालुक्यातील देवकरा येथे सुनेस आत्महत्येस परावृत्त  केल्याने सासू सासऱ्यावर गुन्हा नोंद झाल्याची घटना घडली आहे. तालुक्यातील देवकरा येथील अनिता योगीराज गुट्टे ( वय 32 , ह.मु किनगाव) हिने रविवारी (ता.दोन) सकाळी सहाच्या सुमारास चाटेवाडी (Latur) शिवारातील पळसाच्या झाडाला ओढणीने गळफास घेतला. ही घटना वाऱ्यासारखी पसरली. किनगाव (Ahmedpur) येथील प्राथमिक आरोग्य केंद्रात मृताचा मृतदेह आणण्यात आला.(Married Woman Committed Suicide Due To In Laws In Ahmedpur Taluka Of Latur)

माहेरकडील मंडळींची गुन्हा दाखल करण्याची मागणी

मागील सहा महिन्यांपासून अनिताचे सासू व सासरे तू लेकर बाळ व नवऱ्याला घेऊन मुंबईला जा असे म्हणत त्रास देत होते. या त्रासातूनच माझ्या मुलीचा जीव गेला केली, अशी तक्रार मृताचे वडील बळीराम पंढरी फड (रा.कोष्टगाव, ता.रेणापूर) यांनी तक्रार दिली. सासरे नामदेव सोपान गुट्टे व सासू प्रयागबाई नामदेव गुट्टे (रा. देवकरा, ह. मु. किनगाव) यांच्यावर आत्महत्येस परावृत्त करण्या संदर्भात गुन्हा नोंद करण्यात आला असून पुढील तपास सहायक पोलिस निरीक्षक शैलेश बंकवाड करीत आहेत.

रविवारी गुन्हा नोंद

रात्री उशीरा झाल्याने प्राथमिक आरोग्य केंद्रातून मृतदेह सोमवारी ( ता.तीन) सकाळी प्राथमिक आरोग्य केंद्रातून मृतदेह नातेवाईकांनी ताब्यात घेतले व अंत्यसंस्कार करण्यासाठी मृताचे माहेर असलेल्या कोष्टगाव येथे नेण्यात आले.