Ambajogai Gas Cylinder Blast: पत्नीच्या दहाव्याच्या कार्यक्रमावेळी आगीत संसार भस्म; अंबाजोगाई तालुक्यात भीषण स्फोट, दोन घरे जळून खाक!

घाटनांदूर : पट्टीवडगाव (ता.अंबाजोगाई) येथे आज सकाळी साडे नऊच्या सुमारास गॅस सिलेंडरचा भीषण स्फोट झाल्याची धक्कादायक घटना घडली. पत्नीच्या निधनानंतर दहाव्याच्या विधीसाठी स्वयंपाक सुरू असतानाच ही दुर्घटना घडली. या आगीत दोन घरे आणि घरातील संपूर्ण संसारोपयोगी साहित्य जळून खाक झाले असून परिसरात मोठी खळबळ उडाली आहे.