औंढा नागनाथ ः ना बँडबाजा, ना बारात, ना गाजावाजा, ना अवाढव्य खर्च. यातच नवरदेव आला नवरी आली, महाराज व इतर अकरा नागरिकांच्या उपस्थितीत विवाह सोहळा पार पडला व एका तासात सर्व विधी आटोपून नवरदेव आणि नवरी तोंडाला मास्क बांधून गावाकडे गेले, अशा प्रकाराचा विवाह सोहळा सोमवारी पार पडला. या विवाहाची चर्चा गावात एकावयास मिळाली.
जिंतूर तालुक्यातील मानधनी येथील भिकाजी घोडे यांचा मुलगा माणिक व औंढा येथील विलास रणखांबे यांची मुलगी अंजली यांचे यापुर्वीच लग्न ठरले होते. मात्र, लॉकडाउनमुळे विवाह करण्यास अडचणी सुरू झाल्या. परंतू, दोन्हीकडील मंडळींनी ठरलेल्या तारखेला लग्न करण्याचा निर्णय घेतला, त्याप्रमाणे सोमवारी अतिशय साध्या पद्धतीने सामाजिक अंतर ठेवून व चेहऱ्याला मास्क बांधून केवळ अकरा नागरिकांच्या उपस्थितीत हा विवाह झाला.
केवळ अकरा लोकांच्या उपस्थितीत विवाह
कोरोनाने सर्वत्र थैमान घातल्याने लॉकडाउन व संचारबंदीत काही विवाह सोहळे मोजक्याच व्यक्तींच्या उपस्थितीत तोंडाला मास्क बांधून व सामाजिक अंतर ठेवून होत आहेत. असाच एक विवाह सोहळा नियमांचे पालन करत केवळ अकरा लोकांच्या उपस्थितीत साध्या पध्दतीने सोमवारी (ता.१८) साजरा झाला व एका तासात नवरदेवाने नवरीला दुचाकीवर घेऊन गाव गाठले. दुचाकीवरील नवरा, नवरीची वरात पाहण्यासाठी ग्रामस्थांनी गर्दी केली होती.
हेही वाचा - दुचाकीवर बोलत जाणे बेतले जिवावर
नगराध्यक्षा विजयमाला मुळे यांचा पुढाकार
सोमवारी अतिशय साध्या पद्धतीने सामाजिक अंतर ठेवून व चेहऱ्याला मास्क बांधून केवळ अकरा नागरिकांच्या उपस्थितीत हा विवाह झाला. नवरी नवरदेवला शुभ आशीर्वाद देण्यासाठी शहराच्या नगराध्यक्षा विजयमाला मुळे, उपनगराध्यक्षा वच्छलाबाई देशमुख, नगरसेवक गणेश देशमुख, रामभाऊ मुळे यांची उपस्थिती होती. या वेळी अरुण देशमुख, उत्तम वावळे, हरीश घोडे, लक्ष्मण मस्के, जनार्दन वावळे, भिकाजी घोडे, विलास रणखांबे व महाराज यांची उपस्थिती होती. यासाठी नगराध्यक्षा विजयमाला मुळे यांनी पुढाकार घेतला.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
