तुळजापुरात जनता कर्फ्यू, तुळजाभवानी मंदिर भाविकांसाठी बंद

Tuljabhavani Mata Mandir Closed On Janta Curfew
Tuljabhavani Mata Mandir Closed On Janta Curfew

तुळजापूर (जि.उस्मानाबाद) : तुळजाभवानी मंदिर रविवारी (ता.१४) प्रशासनाच्या सूचनेप्रमाणे पूर्णतः बंद होते. मंदिरातील सर्व धार्मिक विधी परंपरेने पार पडले. कोरोनाचा वाढता प्रादुर्भाव लक्षात घेता जनता कर्फ्यू ठेवण्याचे निर्देश जिल्हाधिकारी तथा तुळजाभवानी मंदिर समितीचे अध्यक्ष कौस्तुभ दिवेगावकर यांनी दिले होते. तुळजाभवानी मंदिरात धार्मिक विधी त्यामध्ये पहाटेचे चरणतीर्थ, देवीची नित्योपचार अभिषेक पुजा पार पडली. तुळजाभवानी मंदिरात प्रशासनाने सॅनिटायझर तसेच स्वच्छता ही सकाळी  केली.

तुळजाभवानी मंदिरात केवळ देवीचे पुजारी तसेच मंदिराचे सुरक्षा कर्मचारी आणि पोलिस प्रशासनातील कर्मचारी उपस्थित होते. १६ नोव्हेंबर २०२० रोजी दिवाळी पाडव्यापासुन तुळजाभवानी मंदिर राज्य सरकारच्या सूचनेप्रमाणे भाविकांसाठी उघडले. तसेच मंदिरात कोरोनामुळे अनेक उपाययोजना केल्या. श्री.दिवेगावकर यांनी धार्मिकस्थळे ही रविवारी बंद ठेवण्याचा आदेश दिला होता. त्याप्रमाणे आज मंदिर भाविकांसाठी पूण॔पणे बंद होते. मंदिरामध्ये सर्व परीसर भाविकांविना होता.

मंदिर समितीने मंदीरातील बहुतांशी भागात सॅनिटायझर फवारले होते. तसेच मंदिरात स्वच्छता ही करण्यात आली होती. तहसीलदार तथा तुळजाभवानी मंदिर समितीचे सरव्यवस्थापक सौदागर तांदळे यांच्या सुचनेनुसार मंदिरात सर्व उपाययोजना करण्यात आल्या. धार्मिक व्यवस्थापक सिद्देश्वर इंतुले, मंदिर समितीचे जनसंपर्क अधिकारी नागेश शितोळे यांच्यासह मंदिरातील सर्व कम॔चारी सोशल डिस्टन्सिंग पाळून कार्यरत होते. दरम्यान काही मोजक्या भाविकांना मंदिर बंद असल्याच्या सूचना ध्वनिवर्धकाद्वारे देण्यात येत होत्या.

संपादन - गणेश पिटेकर

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com