- ताज्या
- देश
- शहरशहर
- लोकसभा २०२४
- क्रीडा / IPLक्रीडा / IPL
- साप्ताहिक
- Epaper
- सकाळ मनी
- व्हायरल सत्य
- प्रीमियर
- महाराष्ट्र
- आणखीआणखी
- सकाळ +
- वेब स्टोरीज
- ग्लोबल
- ॲग्रोवन
- साम TV
- सरकारनामा
- दैनिक गोमन्तक
उस्मानाबाद : खानापुर (ता. उस्मानाबाद) येथील एक जण सोलापुरातील रुग्णालयात दाखल असून त्याचाही अहवाल पॉझीटिव्ह आला आहे. चार दिवसांपूर्वी येथील शहरातील एका रुग्णालयामध्ये तो उपचारासाठी आल्याने त्या रुग्णालयाला देखील सील करण्यात येणार आहे. या शिवाय शहरातील अन्य दोघांचेही अहवाल पॉझीटिव्ह आल्याचे सांगण्यात येत आहे. विशेष म्हणजे हे लोक क्वारंटाईन कक्षात असल्याने त्या ठिकाणी अन्य लोकांनाही बाधा होण्याचा धोका वाढला आहे.
पालकमंत्र्यांपासून अल्पभूधारक शेतकरी ठेवले चार हात दूर, कृषी विभागावर शेतकरी संतापले
शहरातील प्रतिबंधित क्षेत्रामध्ये दररोज वाढ होत असून आज आणखी काही ठिकाणे सील करण्यात आल्याचे दिसून आले. जिल्ह्यामध्ये जवळपास साडे तीनशेच्या जवळपास बाधित रुग्णांचा आकडा गेल्याचे चित्र आहे. त्यातही शहरामध्ये बाधित रुग्णांचा संपर्क झाल्याने शहरातील चिंता वाढली आहे. खानापुर (ता. उस्मानाबाद) येथील रुग्णाला उपचारासाठी शहरातील एका खाजगी दवाखान्यामध्ये दाखल करण्यात आले.
त्याच्यावर उपचार केल्यानंतर तो पुढील उपचारासाठी सोलापूरला गेला होता. तिथे त्याच्यावर उपचारा अगोदर स्वॅब घेण्यात आला. त्याच्या स्वॅब तपासणीचा अहवाल पॉझीटिव्ह आल्याने त्यानी तातडीने उस्मानाबाद जिल्हा रुग्णालयाला कळविले होते. तेव्हा या रुग्णाचा अन्य काही ठिकाणी संपर्क झालेला आहे का याची चौकशी करण्यात येत आहे. जिल्हा रुग्णालयातून माहिती मिळाल्यानंतर खाजगी दवाखान्यातील डॉक्टरांनी तातडीने रुग्णांना डिस्चार्ज देण्याची प्रक्रिया सूरु केल्याचे सांगण्यात येत आहे. शिवाय त्याच्या रुग्णालयातील कर्मचारी व अन्य रुग्ण यांचा धोका टाळण्यासाठी स्वॅब घेण्यात येणार आहेत.
साहजिकच सार्वजनिक ठिकाणी त्या दरम्यानच्या काळात किती लोक रुग्णालयात आले व किती जणाशी त्याचा संपर्क आला हे सांगणे सध्या तरी कठिण आहे. पण यामुळे निश्चितपणे धोका वाढल्याचे चित्र आहे. त्याचबरोबर दुसऱ्या एका क्वारंटाईन कक्षामध्ये ठेवण्यात आलेल्याही दोघांना कोरोनाची बाधा झाल्याने तेथील अन्य लोकांनाही आता संसर्ग होण्याची शक्यता बळावली आहे, हा कक्ष देखील सील करण्यात येणार असून सर्वांचे स्वॅब घेण्यात येणार आहे.
संपादन : प्रताप अवचार
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.