लातूर : येथील कृषी महाविद्यालयाच्या प्राचार्यांना हटवावे या मागणीकडे कुलगुरुंनी दुर्लक्ष केले. त्यांच्यासोबत झालेली चर्चाही फिसकटली. त्यामुळे तिसऱया दिवशीही महाविद्यालयाच्या विद्यार्थी, विद्यार्थ्यांनी आपले ठिय्या आंदोलन सुरुच ठेवले.
बुधवारी रात्रीही हे विद्यार्थी थंडीतच महाविद्यालयाच्या प्रवेशद्वारावरच झोपून राहिले. महाविद्यालयाच्या प्राचार्यांची बदली करावी अशी या विद्यार्थ्यांनी भूमिका घेतली आहे. दुसऱया मागण्या सांगण्यासही या विद्यार्थ्यांनी नकार दिला आहे.
गेल्या सोमवारपासून (ता. २७) या महाविद्यालयाच्या विद्यार्थ्यांनी विविध मागण्यासाठी महाविद्यालयाच्या प्रवेशद्वारातच ठिय्या आंदोलन सुरु केले आहे. गेली तीन दिवस या विद्यार्थ्यांनी महाविद्यालयाच्या प्रशासनासोबत चर्चा करण्यास नकार दिला होता.
परभणी कृषी विद्यापीठाच्या कुलगुरुंनीच यावे व आमच्या मागण्या मान्य कराव्यात अशी भूमिका या विद्यार्थ्यांनी घेतली होती. त्यामुळे मंगळवारी विद्यापीठाच्या आलेल्या पथकालाही हात हलवत परत जावे लागले होते.
थंडीत कुडकुडत झोपले
गेली दोन दिवस विद्यार्थी, विद्यार्थीनी महाविद्यालयाच्या प्रवेशद्वारावरच थंडीत कुडकुडत झोपले होते. अखेर बुधवारी कृषी विद्यापीठाचे कुलगुरु डॉ. अशोक ढवण येथे आले. त्यांनी या विद्यार्थ्यांसोबत प्रवेशद्वारावर चर्चा करण्यास नकार दिला. त्यांना सभागृहात बोलावण्यात आले. दोन तास चर्चा केली.
पहिल्यांदा महाविद्यालयाचे प्राचार्य बाबासाहेब ठोंबरे यांची बदली करा अशी भूमिका या विद्यार्थ्यांनी घेतली. त्यानंतरच दुसऱया मागण्या आम्ही मांडू असे त्यांनी कुलगुरुंना सांगितले. ही प्रशासकीय बाब असल्याने थोडा वेळ लागले आपण आंदोलन मागे घ्यावे अशी विनंती श्री. ढवण यांनी या विद्यार्थ्यांना केली. पण विद्यार्थ्यांनी त्यांची विनंती फेटाळली. चर्चा फिसकटल्याने अखेर श्री. ढवण परत निघून गेले. विद्यार्थ्यांनी आपले आंदोलन सुरुच ठेवले आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
