किरकोळ वादातून परभणीत एकाचा खून

घटनेतील संशयित आरोपी फरार
Parbhani Murder minor dispute
Parbhani Murder minor disputesakal

परभणी : घरगुती गॅसचे सिलिंडर मागण्याच्या कारणावरून झालेल्या वादात एकाचा कुऱ्हाडीचे घाव घालून खून करण्यात आल्याची घटना शुक्रवारी रात्री क्रांतिनगर परिसरात घडली. या घटनेतील संशयित आरोपी फरार आहे. शेख जावेद शेख युसूफ (वय ४५, रा. क्रांतिनगर) असे मृताचे नाव आहे.

शेख जावेद हे घरगुती गॅसचे सिलिंडर मागण्याकरिता जावेद पठाण गफार पठाण याच्या घरी गेले होते. यावेळी संशयिताने आता माझ्या जवळ गॅसचे सिलिंडर नाही असे सांगितल्यानंतर दोघांमध्ये वाद झाला. वादाचे पर्यावसन हाणामारीमध्ये झाले. त्यातच जावेद पठाण याने शेख जावेद यांच्यावर कुऱ्हाडीने वार केले. शेख जावेद यांच्या डोक्यात कुऱ्हाडीचा जबर वार बसल्याने त्यांचा जागीच मृत्यू झाला. या प्रकारानंतर क्रांतिनगर परिसरात खळबळ उडाली. तातडीने सहाय्यक पोलिस अधीक्षक अविनाश कुमार, पोलिस निरीक्षक शरद जऱ्हाड, पोलिस कर्मचारी श्री. जंगम, श्री. भोळे यांच्या पथकाने घटनास्थळी जाऊन पाहणी केली.

शेख जावेद यांची पत्नी परवीन बेगम यांच्या तक्रारीवरून कोतवाली पोलिस ठाण्यात गुन्हा नोंद करण्यात आला. तपास पोलिस निरीक्षक शरद जऱ्हाड करीत आहेत.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Marathi News Esakal
www.esakal.com