उस्मानाबाद : खासगी रुग्णालयात उपचार घेणाऱ्या रुग्णांना आता अल्पदरामध्ये रेमडेसिवीर इंजेक्शन उपलब्ध करण्यात येणार आहे. त्यासाठी एका केंद्राची निवड केली असुन त्यांना कमीशनसह दोन हजार ३६० रुपयांना हे इंजेक्शन देण्याच्या सूचना प्रधान सचिव यांनी दिल्या आहेत. औषधी केंद्राच्या नावासह तपशील देऊन पत्रामध्ये संपूर्ण माहिती त्यानी जिल्हा प्रशासनासह जिल्हा आरोग्य प्रशासनाला दिली आहे. त्याची अंमलबजावणी करुन त्यावर नियंत्रण ठेवण्याचे या पत्रामध्ये आदेश देण्यात आले आहेत.
त्यामुळे आता नागरिकांची मोठी गैरसोय थांबणार असल्याचे चित्र आहे.
गेल्या काही दिवसांपासून राज्यातील खासगी दवाखान्यामध्ये मध्यम व तीव्र स्वरुपाच्या कोरोना रुग्णावर रेमडेसिवीर इंजेक्शनचे मात्रा दिले जात आहेत. पण या इंजेक्शनचा तुटवडा राज्यभरामध्येच पाहायला मिळत होता. खासगी दवाखान्यात तर मिळत नसल्याचे चित्र होते. त्यामुळे अनेक रुग्णांना हे औषध मिळविण्यासाठी धावपळ करावी लागत होती. शिवाय चार ते साडेचार हजार एक इंजेक्शन मिळत होते. साधारण एक रुग्णाला सहा मात्रा घ्यावे लागत होते. त्यामुळे नुसत्या इंजेक्शनचेच तीस ते ३२ हजार रुपये होत होते.
त्यातही इंजेक्शन मिळत नसल्याच्या तक्रारी मोठ्या प्रमाणावर समोर आल्या होत्या. खासगी दवाखान्यातील रुग्णांना ऐनवेळी इंजेक्शन उपलब्ध होत नसल्याने अडचणीचा सामना करावा लागल्याची स्थिती होती. आता राज्य शासनाने प्रत्येक जिल्ह्यामध्ये एक औषधी केंद्राकडे आवश्यक तेवढा इंजेक्शनचा साठा करण्याचे अधिकार दिले आहेत. रुग्णसंख्या पाहुन त्यांना हा साठा करता येणार आहे. जिल्हा शल्यचिकित्सक यांनी त्याचा आढावा घेऊन हा पुरवठा करण्याबाबत पुढाकार घ्यायचा आहे. त्यावर अन्न व औषध प्रशासनाचे नियंत्रण असणार आहे.
या इंजेक्शनचा निश्चित दर ठरवुन दिल्याने त्याचाही रुग्णांच्या नातेवाईकांना फायदा होणार आहे. इंजेक्शनची किंमत दोन हजार २४० इतकी आहे. त्या औषधी केंद्राला प्रत्येक इंजेक्शन मागे पाच टक्के म्हणजे १२० रुपये कमीशनही देण्यात आले आहे. त्यामुळे इंजेक्शनची किंमत दोन हजार ३६० रुपये असणार आहे. यापेक्षा अधिक किंमतीला हे इंजेक्शन औषधी केंद्राला विकता येणार नाही. त्याकडेही अन्न औषध प्रशासनाने लक्ष देण्याचे आदेश प्रधान सचिव यांनी दिले आहेत.
संपादन - गणेश पिटेकर
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.