'तो' पाठवायचा महिला, तरुणींचे फोटो, मग झाले असे...

औरंगाबाद - बीड बायपास रस्त्यावरील राजेशनगर आणि यशवंतनगर भागातील कुंटणखान्याच्या दलालांना ग्राहक पुरविण्याचे काम करणाऱ्या एजंटला अखेर पोलिसांनी (बुधवारी (ता.11) बेड्या ठोकल्या. मनोज जाधव (40, दहीहंडे गल्ली, चिकलठाणा) असे संशयिताचे नाव असून, तो ग्राहकांनाही महिलांचे फोटो पाठवत असल्याची माहिती समोर आली
आहे. 

प्रकरणात सदर भागातील कुंटणखान्यावर पोलिसांनी सात डिसेंबरला छापा टाकून प्रत्येकी चार दलाल व ग्राहकांना ताब्यात घेतले आहे. छाप्यादरम्यान राजेशनगर व यशवंतनगरातील दोन वेगवेगळ्या घरांत कोलकाता आणि हैदराबाद येथील तीन वारांगना व गारखेडा परिसरातील एका वारांगनेला पोलिसांनी ताब्यात घेतले.

हेही वाचा -  Exclusive : पुण्याचा पोलिस देऊ शकतो निर्भयाच्या बलात्काऱ्यांना फाशी 

तसेच दारूसह इतर साहित्य असा सुमारे एक लाख 74 हजार 705 रुपयांचे साहित्य जप्त केले आहे. प्रकरणात दलालांनी पोलिस कोठडीदरम्यान मनोज जाधव हा ग्राहक आणत असल्याची माहिती पोलिसांना दिली. प्रोझोन मॉलचा व्यवस्थापक महंमद अर्शद व अमोल शेजूळ या दोघा ग्राहकांनादेखील मनोजनेच आणल्याची माहितीही त्यांनी दिली. 

क्लिक करा - कैद्याला एकदम लटकवत नाहीत फासावर, अशी असते पूर्वतयारी 

मनोजला पोलिस कोठडी 
मनोजला न्यायालयात हजर करण्यात आले असता शुक्रवारपर्यंत (ता.13) पोलिस कोठडीत ठेवण्याचे आदेश प्रथमवर्ग न्यायदंडाधिकारी ए. जे. पाटील यांनी गुरुवारी (ता.12) दिले. प्रकरणात यापूर्वी अटक करण्यात आलेल्या चार दलालांनाही न्यायालयाने शुक्रवारपर्यंत पोलिस कोठडी ठोठाविलेली आहे. 

मृत्यूदंड - कसा तयार होतो फाशीचा दोर? काय म्हणतात त्याला...

 एजंटच्या साखळीची शक्‍यता 
मनोजला पोलिसांनी अटक केल्यानंतर तपासादरम्यान त्याच्या ताब्यातून एक मोबाईल जप्त करण्यात आला. त्याला न्यायालयात हजर करण्यात आले असता सहायक सरकारी वकील जरिना दुर्राणी यांनी मनोज हा ग्राहकांना महिलांचे फोटो पाठवत होता, यासंदर्भात सखोल माहिती घ्यावयाची असून अद्यापपर्यंत किती ग्राहकांना किती पीडितांचे फोटो पाठवले याचा
तपास करणे आहे.

मनोजसोबत आणखी काही एजंट काम करीत असून, त्यांचा शोध घेऊन त्यांना अटक करणे आहे. पीडित महिलांना कुटंणखान्यात आणण्यात मनोजचा सहभाग आहे का, याचादेखील तपास करणे बाकी असल्याने संशयिताला पोलिस कोठडी देण्याची विनंती न्यायालयाकडे केली.