esakal | उदगीरच्या पंचायत समिती सभापतीवर अविश्वास ठराव दाखल
sakal

बोलून बातमी शोधा

udgeer.jpg

उदगीरचे पंचायत समिती पद हे खुल्या प्रवर्गासाठी आहे. ३० डिसेंबर २०१९ रोजी पंचायत समितीच्या सभागृहात सभापती व उपसभापती यांची निवड झाली होती. १४ सदस्य असलेल्या पंचायत समिती मध्ये भाजपा नऊ, काँग्रेस तीन तर राष्ट्रवादी काँग्रेस आणि शिवसेनेचा प्रत्येकी एक असे पक्षीय बलाबल आहे.

उदगीरच्या पंचायत समिती सभापतीवर अविश्वास ठराव दाखल

sakal_logo
By
युवराज धोतरे

उदगीर : येथील पंचायत समितीच्या सभापती विरुद्ध काँग्रेस-राष्ट्रवादी, शिवसेना व भाजपच्या काही सदस्यांनी लातूरच्या जिल्हाधिकाऱ्यांकडे अविश्वास ठराव दाखल केला आहे.

पाच वेळा अपयश आलं; तरीही पठ्ठ्याने जिद्दीने कलेक्टरच स्वप्न साकारलं  

उदगीरचे पंचायत समिती पद हे खुल्या प्रवर्गासाठी आहे. ३० डिसेंबर २०१९ रोजी पंचायत समितीच्या सभागृहात सभापती व उपसभापती यांची निवड झाली होती. १४ सदस्य असलेल्या पंचायत समिती मध्ये भाजपा नऊ, काँग्रेस तीन तर राष्ट्रवादी काँग्रेस आणि शिवसेनेचा प्रत्येकी एक असे पक्षीय बलाबल आहे.

राष्ट्रीयकृत बँका निवृत्ती वेतनधारकांना देणार घरपोच सेवा  

३० डिसेंबर रोजी झालेल्या निवड प्रक्रियेत सभापती, उपसभापती यांना भाजपा व महागडीला समसमान प्रत्येकी सात मते मिळाली होती. त्यामुळे चिठ्ठीद्वारे सभापती, उपसभापतीची निवड करण्यात आली होती. त्यात सभापतीपदी भाजपाचे विजय पाटील तर उपसभापती काँग्रेसचे बाळासाहेब मरलापल्ले यांची निवड झाली होती. मात्र काँग्रेस, राष्ट्रवादी काँग्रेस, शिवसेना महाआघाडीच्या वतीने बुधवारी (ता.१९) लातूरच्या  जिल्हाधिकारी यांच्याकडे अविश्वास ठराव दाखल केला आहे.

मध्यरात्री जिल्हाधिकारी कोवीड वॉर्डात घुसतात तेव्हा... 

या ठरावावर महाआघाडीच्या पाच त्तर भाजपच्या सहा सदस्यांच्या सह्या असल्याची चर्चा असून एकूण अकरा सदस्यांनी हा ठराव दाखल केला असल्याची माहिती सूत्रांकडून मिळाली आहे. या अविश्वास ठरावामुळे उदगीरच्या राजकारणात मोठी खळबळ उडाली असून घडामोडींना वेग आला आहे. याचे नेतृत्व राष्ट्रवादी काँग्रेस करत असून जर हा ठराव पारित झाला तर सभापतिपदाची संधी ही राष्ट्रवादीला मिळणार असल्याची चर्चा आहे.

वडिलांचा त्याग, आईची तगमग...औरंगाबादच्या नेहाने साकारले युपीएससीत यश

जिल्हाधिकाऱ्यांच्या निर्णयाची प्रतिक्षा
याबाबत लातूरचे जिल्हाधिकारी ठराव दाखल करून घेऊन अविश्वास ठराव पारित करण्यासाठी वेळ देतात. व ही वेळ दिल्यानंतर त्या वेळेत हा ठराव पारित झाल्यास सभापतींना पायउतार व्हावे लागते. त्यामुळे भाजपला झटका बसणार असून जिल्हाधिकार्‍यांच्या निर्णयाची प्रतीक्षा आहे.

(संपादन-प्रताप अवचार)
 

loading image
go to top