मुंबई: मुंबईतील धारावी पोलिस ठाण्यात कार्यरत पोलिस नाईकाचा कोरोनामुळे मृत्यू झाला. ते 55 वर्षांचे होते. त्यामुळे मुंबईतील कोरोनामुळे मत झालेल्या पोलिसांचा आकडा 38 वर पोहोचला आहे. राज्यात गेल्या 48 तासांत 150 पोलिसांना कोरोनाची लागण झाली आहे.
मृत पोलिसाला 14 मेला सेव्हन हिल्स रुग्णालयात दाखल करण्यात आले होते. त्यानंतर त्यांना चर्नी रोड येथील हरकिशन दास रुग्णालयात उपचारासाठी दाखल करण्यात आले.रविवारी त्यांचा उपचारादरम्यान मृत्यू झाला.
मुळचे सातारा येथील आसनगाव येथील रहिवासी असलेले ते सध्या माहिम पोलिस वसाहतीत वास्तव्याला होते. गेल्या 48 तासात राज्यातील 150 पोलिसांना कोरोनाची लागण झाली आहे.
आतापर्यंत मुंबईतील 2550 पोलिसांना कोरोनाची लागण झाली असून त्यातील 1750 पोलिसांनी कोरोनावर मात केली आहे. 692 पोलिस सध्या कोरोनावर उपचार घेत आहेत. राज्य पोलिस दलातील 4100 पोलिसांना आतापर्यंत कोरोनाची लागण झाली आहे. त्यातील बहुसंख्या पोलिसांनी कोरोनावर मात केली असून सध्या एक हजार पोलिस सध्या उपचार घेत आहेत.
मुंबईतील कोरोनावर उपचार घेणा-या पोलिसांसाठी कोविड केअर सेंटर उभारण्यात आली आहेत. याशिवाय हेल्पलाईन सुरू करण्यात आली आहे. पोलिस यंत्रणेकडून रेमदेसीवीर व टॉसिलिझ्युमॅब सारखी औषधीही तात्काळ उपलब्ध करून देण्यात आली आहेत.
150 police corona positive in last 48 hours
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.