ठाणे : जिल्ह्यातील शहरी व ग्रामीण भागात दिवसेंदिवस कोरोनाचा प्रादुर्भाव वाढत असून मागील 24 तासांत 161 नव्या कोरोनाबाधित रुग्णांची नोंद करण्यात आली असून 5 जणांचा मृत्यू झाला आहे. यामध्ये ठाणे महापालिकेत 3 तर, कल्याण डोंबिवलीत 2 जणांचा मृत्यू झाला आहे. या आकडेवारीमुळे जिल्ह्यातील संख्या 2 हजार 709 वर गेली असून मृतांचा आकडा 80 झाला आहे.
मागील काही दिवसांपासून कोरोनाबाधित रुग्णांच्या आकडेवारीत होणारी वाढ मंगळवारनंतर बुधवारी देखील काहीशी घटली असल्याचे दिसून आले. बुधवारी (ता.13) ठाणे महापालिकाक्षेत्रात 47 कोरोनाबाधीतांची नोंद करण्यात आल्याने बाधितांचा आकडा 798 वर पोहोचला. तसेच मंगळवारी रात्री उशिरा 5 जणांच्या मृत्यूची नोंद करण्यात आली असून बुधवारी देखील तिघांच्या मृत्यूची नोंद करण्यात आल्याने मृतांचा आकडा 37 इतका झाला आहे. तर, कल्याण डोंबिवलीत 20 नव्या रुग्णांची नोंद करण्यात आली असून दोघांचा मृत्यू झाला आहे. त्यामुळे बाधितांचा आकडा 385 इतका झाला असून मृतांचा आकडा 7 झाला आहे. नवी मुंबई महापालिका क्षेत्रात 54 नवे कोरोनाबाधित समोर आल्याने बाधितांची संख्या 910 इतकी झाली.
उल्हानगरमध्ये तब्बल 18 नव्या रुग्णांची नोंद करण्यात आल्याने बाधितांचा आकडा 68 झाला आहे. तसेच मीरा भाईंदरमध्ये तिघांची नोंद करण्यात आल्याने बाधितांचा आकडा 265 झाला आहे. भिवंडी महापालिका क्षेत्रात 4 नवीन रुग्णांची नोंद करण्यात आल्याने बाधितांचा आकडा 32 झाला आहे. बदलापूरमध्ये देखील 6 रुग्णांची नोंद करण्यात आल्याने तेथील बाधितांचा आकडा 68 झाला आहे. तसेच ठाणे ग्रामीण भागात देखील 8 नवे कोरोनाबाधित समोर आले असून तेथील संख्या 120 झाली आहे.
161 new corona positive in Thane district in 24 hours, read full story
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.