esakal | नागरिकांनी लढवली शक्कल आणि सावधगिरीमुळे 'अशी' फसली तिसरी चोरी
sakal

बोलून बातमी शोधा

नागरिकांनी लढवली शक्कल आणि सावधगिरीमुळे 'अशी' फसली तिसरी चोरी

दहीसरमध्ये चोऱ्या रोखण्यासाठी नागरिकांच्या गस्तीसह इमारतींमध्ये अलार्म

नागरिकांनी लढवली शक्कल आणि सावधगिरीमुळे 'अशी' फसली तिसरी चोरी

sakal_logo
By
कृष्ण जोशी

मुंबई : कोरोनाकाळात दहीसरमध्ये अचानक चोऱ्यांचे प्रमाण वाढू लागले. त्यामुळे तेथे नागरिकांनी रात्री गस्त घालण्याचा तसेच इमारतींमध्ये अलार्म लावण्याचा उपक्रम सुरु करण्याचे ठरविण्यात आले आहे. या बाबत काही स्थानिक नेत्यांशी चर्चा करून आणि त्यांच्या पुढाकाराने नुकतीच या विषयावर परिसरातील गृहनिर्माण संस्थांच्या पदाधिकाऱ्यांची पोलिसांबरोबर बैठक आयोजित करण्यात आली होती. एमएचबी पोलिस ठाण्याचे वरील निरीक्षक पंडित ठाकरे व अन्य अधिकारी यावेळी  हजर होते. कोरोनाकाळात पोलिसांवरही मोठा ताण आला असल्याने त्यांचे काम हलके करण्यासाठी नागरिकांनीच काही उपाय करावेत, असेही यावेळी ठरले.  

महत्त्वाची बातमी - आणखी एक मोठा स्कॅम? आता स्टेट बँक ऑफ इंडियाची फसवणूक

सोसायट्यांमध्ये स्वतःचे सुरक्षा रक्षक असतातच, पण चोरीच्या घटना रोखण्यासाठी आणि रस्त्यावर गस्त घालण्यासाठी दहा सोसायट्यांनी मिळून एक वेगळा रक्षक नियुक्त करणे, या रक्षकाने रात्रपाळीच्या पोलिसांशी संपर्कात राहणे, इमारतींमधील रहिवाशांनी देखील गस्त घालणे आणि यामार्गाने पोलिसांना कायदा व सुव्यवस्था राखण्यासाठी मदत करणे, गुन्हेगारांची ओळख पटण्यासाठी गृहनिर्माण संस्थांच्या आवारात सीसीटीव्ही लावणे असेही यावेळी सुचविण्यात आले. यापूर्वीच घोसाळकर यांनी स्थापन केलेल्या टायगर पथकामार्फत गस्त घातली जाईल, असे सांगण्यात आले.

महत्त्वाची बातमी - आदित्य ठाकरेंचं उठणं-बसणं मुव्ही माफिया आणि सुशांतच्या खुन्यांसोबत, कंगनाने पहिल्यांदाच थेट नाव घेत केलं ट्विट

तर संशयास्पद हालचाली दिसल्या तर लोकांना सावध करण्यासाठी इमारतींमध्ये अलार्म लावावा, असेही सुचविण्यात आले. त्यामुळे यासंदर्भात काही मध्यवर्ती ठिकाणांवरील इमारतींमध्ये प्रायोगिक तत्वावर असे अलार्म बसविण्याचे आश्वासन घोसाळकर यांनी दिले. दहीसरमध्ये नुकत्याच आठवड्याभरात तीन चोऱ्यांचा प्रयत्न झाला, त्यातील दोन चोऱ्या एकाच रात्रीत झाल्या. तर सावध नागरिकांमुळे तिसरी चोरी फसली.

( संपादन - सुमित बागुल ) 

alert citizens of dahisar avoided third attempt of being stolen by using theft alarm