अलिबाग : मंदिरातील दानपेटीतून चोरी

अलिबाग : तालुक्यातील बामणोली येथील मंदिरातील दानपेटीतून रक्कम चोरण्यात आली. ही घटना गुरुवार व शुक्रवारच्या दरम्यान घडली. अलिबाग पोलिस ठाण्यात गुन्हा दाखल करण्यात आला आहे. खडताळ पुलाजवळील हनुमान खडताल पुलाजवळ हनुमान मंदिर आहे.

गुरुवारी सायंकाळी सात वाजण्याच्या सुमारास ते शुक्रवारी रात्रीच्या दरम्यान मंदिराची खिडकी चोरट्याने उघडली. मंदिरात घुसून गाभाऱ्याच्या दरवाजाला असलेली कुलपाची साखळी हत्याराने कापली. गाभाऱ्यातील लोखंडी दानपेटीतून सुमारे १५ हजार रुपयांची रोख रक्कम लंपास केली.