NCB मुंबईच्या झोनल डायरेक्टर पदी अमित घावटेंची नियुक्ती

एनसीबीचे अधिकारी समीर वानखेडे हे मुंबई झोनल डायरेक्टर पदावरुन पायउतार झाल्यानंतर आता त्या पदावर अमित गवाटे (Amit Gawate) यांची नियुक्ती करण्यात आली आहे. त्यामुळे आता एनसीबीच्या मुंबईचे नवे झोनल डायरेक्टर म्हणून अमित गवाटे यांनी सूत्र हाती घेतली आहेत. गवाटे हे 2008 च्या बॅचचे आयआरएस अधिकारी आहेत. समीर वानखेडे मुंबई एनसीबीतून (Mumbai NCB) गेल्यानंतर मुंबई झोनल डायरेक्टरचा (Zonal Director) अतिरिक्त पदभार दुसऱ्या अधिकाऱ्याकडे होता. आता या ठिकाणी अमित गवाटे यांची नेमणूक करण्यात आली आहे. NCB चे मुंबई झोनल डायरेक्टरपद हा विषय मागील काही दिवसांत वादाचा विषय ठरला होता. आता गवाटे यांच्या नियुक्तीमुळे हा वाद मिटला आहे.

दरम्यान, मागील काही दिवसांपासून मंत्री नवाब मलिक यांनी समीर वानखेडेंवरती पत्रकार परिषद घेत गंभीर आरोप केले होते. आर्यन खान ड्रग्स प्रकरणात मंत्री नवाब मलिक (Nawab Malik) आणि समीर वानखेडे (Sameer Wankhede) यांच्यात चांगलेच युद्ध रंगले होते. यावेळी अनेक राजकीय चर्चांना उधाण आली होती. नवाब मलिक रोज पत्रकार परिषद घेवून समीर वानखेडेंवरती गंभीर आरोप करत होते. त्यानंतर समीर वानखेडेंना मुंबईच्या झोनल डायरेक्टर पदावरुन पायउतार व्हावं लागले होते. मागच्या काही दिवसांपासून या पदाचा कारभार अतिरीक्त अधिकाऱ्यांकडे होता. मात्र आता अमित गवाटे यांच्यावर या पदाची जबाबदारी दिली आहे.