लॉकडाऊनमध्ये 'लग्ना'चा थाट आला 'अंगलट', नवरदेवाच्या वडिलांसह तिघांवर गुन्हा दाखल

उल्हासनगर : शासनाने आखून दिलेल्या नियमांचे उल्लंघन करत लॉकडाऊनमध्ये  विनापरवानगी 70 ते 80 जणांच्या उपस्थितीत लग्नाचा थाट घातल्याने नवरदेवाच्या वडिलांसह, हॉलमालक व हॉलचालक अशा तिघांवर गुन्हा दाखल करण्यात आला आहे.

BIG NEWS - आता फक्त अर्धा तासात होणार कोरोनाची चाचणी! बृहन्मुंबई महापालिकेने घेतला मोठा निर्णय

उल्हासनगर कॅम्प नंबर 1 मधील पंचायत हॉलमध्ये मंगळवारी (ता.24) सायंकाळी लग्न समारंभाचे आयोजन करण्यात आले होते. नियमानुसार कोणत्याही सोहळ्यात 50 पर्यंत उपस्थितीची परवानगी असताना याठिकाणी 70 ते 80 वऱ्हाडी सहभागी झाले होते. याशिवाय परवानगी देखील घेण्यात आली नव्हती. त्यामुळे उल्हासनगर ठाण्याचे वरिष्ठ पोलीस निरीक्षक राजेंद्र कदम यांच्या आदेशान्वये उपनिरीक्षक सचिन शिंदे यांच्या पथकाने घटनास्थळी जाऊन कारवाई केली.

BIG NEWS - ठाणे महापालिका आयुक्तांचीही तडकाफडकी बदली! वाचा, नवे आयुक्त कोण आहेत ते?

या प्रकरणी नवरदेवाचे वडील नासिर शेख, हॉल चालक राजू नरसिंघानी व  मोहनलाल पिरवानी यांच्यावर गुन्हा दाखल केला.

because of marriage get in problem three accused read full story