भिवंडी : पडघा येथे भागवत एकादशी उत्साहात साजरी

पडघा : भिवंडी तालुक्यातील पडघा येथे भागवत एकादशी विविध आध्यात्मिक कार्यक्रमाद्वारे उत्साहात साजरी करण्यात आली. दिवाळीनंतर येणारी भागवत एकादशी म्हणजेच पंढरपूर यात्रेला वारकरी संप्रदायात विशेष महत्त्व आहे.

त्यानुसार सोमवारी पडघा येथील जगद्गुरू संत तुकाराम महाराज मंदिरात एकादशीचा कार्यक्रम घेण्यात आला. या वेळी सकाळी काकड आरती, अभिषेक, भजन, प्रवचन, महाआरती हरिपाठ व कीर्तन आदी आध्यात्मिक कार्यक्रमाचे आयोजन करण्यात आले होते. या वेळी संत तुकाराम महाराज मंदिर भजन मंडळाच्या वतीने सुश्राव्य असे भजन सादर करण्यात आले.