पडघा : वांद्रे येथे बिबट्या?, नागरिकांमध्ये घबराट

पडघा (बातमीदार) : भिवंडी (bhiwandi) तालुक्यातील पडघा खडवली रस्त्यावरील वांद्रे (Bandra) गावांच्या हद्दीत बिबट्या दिसल्याने नागरिकांच्यात घबराट पसरली आहे. दिनांक 5 आँगस्ट रोजी सकाळी 10.30 च्या सुमारास वांद्रे (Bandra) गावातील शेतकरी बाळाराम बजागे भाजीपाला लागवड केलेल्या गावालगतच्या नदी किनाऱ्या जवळील शेतावर गेले असता त्यांना बिबट्या सदृश पिवळसर रंगाचा लांबलचक प्राणी दिसल्याची माहीती सरपंच, पोलीस पाटील व गावातील नागरिक विकास पाटील यांना दिली. (bhiwandi padgha area leopard panic citizens)

त्यांनी यांची खबर वनपरिक्षेत्र अधिकारी पडघा संजय धारवणे यांना देताच त्यांच्यासह वनपाल वन कर्मचाऱ्यांनी वांद्रे गावात मध्यरात्रीपर्यंत थांबुन खबरदारीचे उपाय म्हणून नागरिकांनी रात्री घराबाहेर पडु नये, एकट्याने बाहेर शेतावर जाऊ नये, लहान मुले, जनावरे यांची काळजी घ्यावी अशा प्रकारच्या सुचना गावात फिरून नागरिकांना आदिवासी वस्तीत केल्या.

तसेच ज्या ठिकाणी बिबट्या सदृश प्राणी आढळून आला त्याठिकाणी पाहणी केली असता वनकर्मचाऱ्यांना व नागरिकांना जंगली प्राण्याचे ठसे शेतात, माळरानावर, वाळुत आढळून आल्याने नागरिकांच्यात घबराट पसरली आहे. मात्र, तो बिबट्या असल्याचाच निष्कर्ष अद्याप निघु शकला नाही.