मोठी बातमी! मुंबईत 6 ठिकाणी 'डी' कंपनीशी संबंधीतांच्या ठिकाणांवर NIAची छापेमारी

मुंबई : बनावट भारतीय चलन प्रकरणी राष्ट्रीय तपास यंत्रणेने एनआयएने गुरूवारी सकाळी मुंबईत 6 ठिकाणी छापे टाकले. या कारवाईत एनआयएने डी कंपनीशी संबंधित आरोपींच्या ठिकाणांवर छापे टाकले. तेथून तपास यंत्रणेने अनेक साहित्य जप्त केले आहे.

ठाणे पोलिसांच्या गुन्हे शाखेने नोव्हेंबर 2021 मध्ये 2.98 लाख रुपयांच्या बनावट नोटा जप्त केल्या होत्या. आरोपी रियाज आणि नसीर या आरोपींना अटक करण्यात आली होती. या प्रकरणामध्ये आरोपी आणि डी कंपनी यांचे कनेक्शन असून डी कंपनीची नेमकी भूमिका तपासात आढळून आली होती. (Latest Marathi News)

एनआयए मुंबईच्या पथकाने बुधवारी या प्रकरणातील आरोपी आणि संशयितांच्या घरे आणि कार्यालयांसह विविध मालमत्तांवर अनेक छापे टाकले.

छाप्यात जप्ती

एनआयएने छापेमारीत अनेक साहित्य जप्त केले आहे. जप्त केलेल्या वस्तूंमध्ये धारदार शस्त्रे, डिजिटल उपकरणे आणि कागदपत्रांचा समावेश आहे. एनआयएने सांगितले की छाप्यांदरम्यान जप्त केलेल्या वस्तूंवरून हे स्पष्ट होते की बनावट नोटांच्या रॅकेटचा डी-कंपनीशी थेट संबंध होता. हे संपूर्ण प्रकरण भारतातील 2000 च्या बनावट नोटांशी संबंधित आहे. याप्रकरणी दोन जणांना अटक केली होती. (Breaking Marathi News)

थोडक्यात प्रकरण

देशातील बनावट चलन जारी केल्याप्रकरणी ठाणे शहरातील नौपाडा पोलीस ठाण्यात 18 नोव्हेंबर 2021 रोजी गुन्हा दाखल करण्यात आला होता. रियाझ आणि नसीर या आरोपींना या प्रकरणी अटक करण्यात आली होती. अटक करण्यात आलेले दोघेही मुंबईचे रहिवासी असून ते सध्या न्यायालयीन कोठडीत आहेत. एनआयएने या प्रकरणातील चालू तपासाचा एक भाग म्हणून आरोपी आणि संशयितांच्या अनेक मालमत्तांवर, मुख्यतः घरे आणि कार्यालयांवर छापे टाकले.