मुंबई - बिहार आणि हैद्राबाद निवडणूकांनंतर राज्यातील भाजपने मुंबई महापालिकेच्या निवडणूकीकडे आपले लक्ष केंद्रीत केले आहे. त्यामुळे राष्ट्रवादीनेही आपली मोर्चे बांधनी सुरू केली आहे.
'कोरोनाची परिस्थितीमुळे शहरातील संघटनाकडे लक्ष देता आले नव्हते परंतु कोरोनाचा प्रभाव कमी होताच, आमचा धडाका पुन्हा सुरू होईल , खासदार सुप्रिया सुळे आणि आमदार रोहित पवार यांनी महापालिका निवडणूकीत लक्ष घातले तर त्याचा पक्षालाही फायदाच होईल' असे राष्ट्रवादी कॉंग्रेस मुंबई अध्यक्ष व मंत्री नवाब मलिक यांनी म्हटले आहे.
भारतीय जनता पक्षाने महापालिका निवडणूकांसाठी जोरदार तयारी सुरू केली आहे. त्यासाठी त्यांनी मुंबईची खडान्खडा माहिती असलेल्या अतुल भातखळकर यांना प्रभारी म्हणून नेमले आहे. त्यामुळे राष्ट्रवादीनेही तय़ारी सुरू केली आहे. राष्ट्रवादीचे मुंबई अध्यक्ष नवाब मलिक यांनी याला दुजोरा दिला आहे. 'आम्ही मुंबईत सात हजार कार्यकर्त्यांचे शिबीर घेतले होते. त्यानंतर कोरोनामुळे ग्रासलेल्या लोकांना मदत करण्यावर पक्षकार्यकर्त्यांनी व पदाधिकाऱ्यांनी भर दिला. पक्षाध्यक्ष शरद पवार यांच्या वाढदिवसाच्या निमित्ताने राज्यभर एक लाख लोकांना रोजगार मिळावा यादृष्टीने ऑनलाईन मोहीम हाती घेतली जाईल. त्याचे रजिस्ट्रेशन राज्यभर सोमवारपासून सुरु होईल व मुलाखती १२ डिसेंबरपासून सुरु होतील. हा कार्यक्रम सरकारच्या मदतीशिवाय फक्त पक्षपातळीवर घेतला जाईल. सध्या राजकीय कार्यक्रम फारसे नाहीत, पण जसजसे अनलॉकिंग होईल तशी संघटनात्मक बांधणी सुरु केली जाईल व सार्वजनिक राजकीय कार्यक्रमही होतील', असे नवाब मलिक म्हणाले आहेत
नुकत्याच झालेल्या पदवीधर मतदार संघांच्या निवडणूकांचा विचार करता येत्या महापालिका निवडणूका ही महाविकास आघाडीमधील तीनही घटकपक्षांनी एकत्रितरित्या लढविल्या तर नक्कीच आम्हाला मोठे यश मिळेल. मुंबई महापालिका निवडणूकीसाठी केवळ सुप्रियाताई किंवा रोहित पवारच नव्हे तर पक्षाच्या अन्य नेत्यांनीही लक्ष दिले तर चांगलेच होईल. त्यामुळे मला व पक्षालाही बळ मिळेल. सुप्रियाताई व रोहित पवार हे दोघे फक्त निरीक्षक म्हणून जबाबदारी उचलणार नसून ते दोघे सर्वत्रच प्रत्यक्ष काम करीत आहेत. असेही मलिक य़ांनी म्हटले आहे
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.