मौजमजेसाठी घरफोडी, २४ तासात अल्पवयीन आरोपीसह दोन जण ताब्यात 

ठाणेः भिवंडी तालुक्यातील कोनगाव प्रेमनगर भागातील एका चाळीत मौजमजा करण्यासाठी घरफोडी केल्याची घटना उघड झाली. आरोपींनी सोन्याचे दागिने पोबारा केले. त्यानंतर अवघ्या २४ तासात दोघा आरोपींसह एका अल्पवयीन मुलास पोलिसांनी ताब्यात घेऊन अटक केली आहे. त्यांनी चोरी केलेला दोन लाख 83 हजार रुपयांचे सोन्याचे दागिने हस्तगत करण्यात पोलिसांना यश आले आहे. या प्रकरणी कोनगांव पोलिस ठाण्यात गुन्हा दाखल करण्यात आला आहे. 
  
भिवंडी तालुक्यातील कोनगाव येथील गावदेवी मंदिर परिसरातील चाळीत राहणाऱ्या सुचित्रा संजय भोईर यांच्या घरातील लाकडी कपाटातील लॉकर मध्ये कापडी पिशवीत ठेवलेले सोन्याचे दागिने ज्यामध्ये गंठण, बांगड्या, कानातील कर्णफुले ,अंगठी असे सुमारे 61 ग्रॅम वजनाचे दागिने चोरीस गेले होते. या बाबत कोनगाव पोलिस ठाण्यात तक्रार दाखल करण्यात आली. त्यानंतर  वरिष्ठ पोलीस निरीक्षक रमेश काटकर, सहा पोलिस निरीक्षक अभिजित पाटील यांचा पथकाने सखोल तपास सुरू केला.

अधिक वाचाः  वायू गळतीवर 'बलून टेक्नॉलॉजी'चा उतारा, दूषित हवेवरून वायू गळती शोधणार

मिळालेल्या माहिती वरून पोलिसांनी एक अल्पवयीन मुलासह घरफोडी झालेल्या परिसरातील चाळीत राहणारा जयेश चंद्रकांत पाटील (रा.कोनगाव ) चिंट्या नरेंद्र रायबागी (रा.चिकणघर कल्याण )यांना ताब्यात घेऊन त्यांच्या जवळून चोरीस गेलेला सर्व मुद्देमाल अवघ्या 24 तासात हस्तगत करण्यात यश मिळविले आहे.  न्यायालयाने दोघा आरोपींना चार दिवसांची पोलिस कोठडी ठोठावली तर अल्पवयीन मुलास बालसुधारगृहात ठेवण्यात आले आहे.

अधिक वाचाः  मुंबईत कोरोना नियंत्रणात, 6 दिवसात 1 हजार इमारती कोविड मुक्त

---------------------------

(संपादनः पूजा विचारे)

Burglary for fun two arrested in 24 hours thane