मध्य रेल्वेची घोषणा ! मुंबई ते नागपूर दरम्यान धावणार विशेष 'उत्सव ट्रेन'
मुंबई : मध्य रेल्वे प्रवाशांची गर्दी लक्षात घेऊन मुंबई ते नागपूर दरम्यान उत्सवासाठी विशेष ट्रेन चालविण्याचा निर्णय मध्य रेल्वेने घेतला आहे.
02047 ही विशेष ट्रेन वर्धा, पुलगाव, धामणगाव, चांदूर, बडनेरा, मूर्तिजापूर, अकोला, शेगाव, मलकापूर, भुसावळ, जळगाव, चाळीसगाव, मनमाड, नाशिक रोड, कल्याण आणि दादर या स्थानकावर थांबणार आहे. तर यामध्ये एक प्रथम वातानुकूलित, दोन द्वितीय वातानुकूलित, चार तृतीय वातानुकूलित, सात शयनयान आणि चार द्वितीय आसन श्रेणी राहणार आहे.
प्रवाशांना सुपरफास्ट विशेष उत्सव ट्रेन क्रमांक 02048/ 02047 विशेष शुल्कासह तिकीट बुकिंग 12 डिसेंबर रोजी सर्व संगणकीकृत आरक्षण केंद्रांवर आणि www.irctc.co.in या संकेतस्थळावर सुरू होणार असून, या विशेष गाड्यांच्या स्थानकांच्या थांब्यांची अधिक माहिती www.enquiry.indianrail.gov.in या वेब पोर्टलवर प्रवाशांना मिळणार आहे. तर कन्फर्म तिकीट असणाऱ्या प्रवाशांना या विशेष गाड्यांमध्ये चढण्याची परवानगी देण्यात येणार आहे.
02048 सुपरफास्ट विशेष 'उत्सव ट्रेन' 13 डिसेंबर रोजी नागपूर येथून संध्याकाळी 6 वाजता सुटेल आणि छत्रपती शिवाजी महाराज टर्मिनस येथे दुसर्‍या दिवशी सकाळी 7.45 वाजता पोहोचेल.
02047 सुपरफास्ट विशेष उत्सव ट्रेन 15 डिसेंबर रोजी छत्रपती शिवाजी महाराज टर्मिनस रात्री 11.30 वाजता सुटेल आणि दुसर्‍या दिवशी दुपारी 1.15 वाजता नागपूरला पोहोचेल.
central railways to run special utsav train from mumbi to nagpur read booking details
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.