Worli Hit And Run Case: वरळी हिट अँड रन प्रकरणात CM शिंदेंची प्रतिक्रिया; म्हणाले, 'जरी तो कार्यकर्ता...'

CM Eknath Shinde On Worli Hit And Run Case: 'वरळी हिट अँड रन प्रकरणात कोणालाही पाठीशी घातलं जाणार नाही. कायदेशीररित्या कारवाई केली जाईल.', अशी माहिती मुख्यमंत्री एकनाथ शिंदे यांनी दिली आहे.
Worli Hit And Run Case
Worli Hit And Run CaseEsakal

वरळी हिट अँड रन प्रकरणात अनेक अपडेट समोर येत आहेत. याप्रकरणी पोलिसांनी दोघांना ताब्यात घेतल्याची माहिती समोर आली आहे. मिहीर शहाच्या कारचालकाला पोलिसांनी ताब्यात घेतले आहे. मिहीर शहा अद्याप फरार असून पोलिस त्याचा शोध घेत आहेत. या प्रकरणी मुख्यमंत्री एकनाथ शिंदे यांची पहिली प्रतिक्रिया समोर आली आहे. 'याप्रकरणात कोणालाही पाठीशी घातलं जाणार नाही. कायदेशीररित्या कारवाई केली जाईल.', अशी माहिती मुख्यमंत्र्यांनी दिली आहे.

'कायद्यासमोर सर्व समान आहेत. सरकारमध्ये देखील सर्व घटनांकडे आम्ही समान पाहतो आहोत. त्यामुळे या घटनेत वेगळा न्याय दिला जाणार नाही. जे होईल ते कायदेशीर मार्गाने होणार आहे. कोणालाही पाठीशी घातले जाणार नाही. झालेली घटना अतिशय दुर्दैवी आणि दुःखद आहे. या घटना वारंवार होऊ नये यासाठी शासन आणि गृह विभाग उपायोजना करेल. या प्रकरणात कोणालाही पाठिशी घातले जाणार नाही. कायद्यापुढे सर्वजण समान आहेत', असंही मुख्यमंत्र्यांनी पुढे सांगितले आहे.

Worli Hit And Run Case
Worli Hit And Run Case: वरळीत 'हिट अँड रन'प्रकरणातील आरोपीने बारमध्ये पिलं इतक्या हजारांचं मद्य, बिलाचा फोटो व्हायरल

'विरोधी पक्षांना टीका करण्यापलीकडे काहीही काम नाही. या घटनेत कोण कोणाला पाठिशी घातलतंय असं समजण्याची गरज नाही. जरी तो कार्यकर्ता शिवसेना पक्षाचा असला तरी त्याला कोणी पाठीशी घालणार नाही. सर्वांना समान न्याय लागू करण्याचे काम आम्ही करत आहे. सर्वांना समान न्याय देण्याची भूमिका सरकारची आहे', असंही त्यांनी म्हटलं आहे.

Worli Hit And Run Case
Worli Hit And Run: वरळी हिट अँड रन प्रकरणी शिवसेना शिंदे गटाचा उपनेता पोलिसांच्या ताब्यात

आता या प्रकरणात पोलिसांनी शिवसेनेच्या शिंदे गटाचे उपनेते राजेश शहा यांना ताब्यात घेतले आहे. शहा पालघरमधील शिवसेनेचे उपनेते आहेत. अपघात घडला त्यावेळी त्यांचा मुलगा व ड्रायव्हर गाडीत होते. पोलिसांना आरोपी मुलांचाही शोध लागला असून मुलगा व ड्रायव्हर दोघांवर गुन्हा दाखल केला आहे. या घटनेनंतर आता अनेक खुलासे समोर येत आहेत. घटनाक्रमानुसार मिहीर शाह हा रात्री जुहू येथील बारमध्ये मद्यप्राशन करत होता अशी माहिती समोर आली आहे. त्याचबरोबर याचे बील देखील आता समोर आले आहे.

Worli Hit And Run Case
Mumbai Accident : मुंबईत पुन्हा हिट अँड रन! मच्छी आणण्यासाठी गेलेल्या कोळी दाम्पत्याला उडवले

मद्यप्राशन केल्यानंतर तो घरी गोरेगावला गेला. घरी गेल्या नंतर त्याने आपल्या ड्राइवरला लॉन्ग ड्राईव्हला जाण्यासाठी जायचं असल्याचं सांगितले. नंतर तो मुंबईत आला आणि मुंबईतून पुन्हा गोरेगावला जाताना मिहीर शाह हा स्वतः गाडी चालवत होता. त्याच वेळी अट्रिक मॉल जवळ ही अपघाताची घटना घडली आहे. घटना घडली तेव्हा मिहीर शहा हा मध्यप्रशन केलेला होता. चालक तरूण मुलगा होता. त्याला ताब्यात घेतले आहे. संपुर्ण घटना सीसीटीव्ही कॅमेरात कैद झाली आहे.

ब्रेक घ्या, डोकं चालवा, कोडे सोडवा!

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Marathi News Esakal
www.esakal.com