शेतकरी राजा हे राज्याचे वैभव- मुख्यमंत्री ठाकरे

कृषी संजीवनी मोहिमेचा समारोप तसेच पीक स्पर्धा विजेत्या शेतकऱ्यांचा सत्कार हा कार्यक्रम गुरूवारी (१ जुलै) मुख्यमंत्र्यांच्या उपस्थितीत पार पडला. या मोहिमेंतर्गत ४० हजार गावांमधील ६ लाख शेतकऱ्यांना आधुनिक तंत्रज्ञानाबाबत मार्गदर्शन करण्यात आले. यावेळी राज्याचे मुख्यमंत्री उद्धव ठाकरे यांनी शेतकऱ्यांना काही महत्त्वाच्या विषयांवर मार्गदर्शन केले. (CM Uddhav Thackeray Guidance Speech to Maharashtra Farmers)

मुख्यमंत्र्यांच्या भाषणातील महत्वाचे मुद्दे

• आज कृषी दिन व डॉक्टर दिन आहे. दोघांचेही महत्व आपल्याला या कोविड काळात कळले आहे.

• शेतकरी आणि डॉक्टर हे दोघेही अन्नदाते आणि जीवनदाते आहेत

• शेतकऱ्यांच्या वेदना मला माहीत आहेत. दुष्काळ, पूर, गारपीट कोरोना अशा संकटांच्या वेळी शेतकरी डगमगला नाही.

• शेतकरी राजा हे राज्याचे वैभव आहे

• गेले काही काळ निसर्ग बदलतो आहे

• सोन्यासारखे पीक नैसर्गिक आपत्तीत उद्धवस्त होत असते. अशा अनिश्चित परिस्थितीत सरकार म्हणून आम्ही पूर्णपणे शेतकऱ्यांच्या पाठीशी आहोत.

• महाविकास आघाडीचे सरकार सत्तेवर आल्यानंतर आम्ही कामकाजाची सुरुवात पीक कर्ज मुक्तीपासून केली. नंतर कोरोनाचे संकट आले पण शेतकऱ्याने अर्थव्यवस्थेत जे योगदान दिले त्याचे उपकार विसरता येणार नाही.

• आम्ही विकेल ते पिकेल ही योजना घेऊन आलो. जे पिकवीन ते विकल्या गेलेच पाहिजे असे ठरवले.

• शेतकऱ्याला हमी भाव नाही तर हमखास भाव मिळालाच पाहिजे अशी आमची भूमिका आहे.

• आपल्या सरकारच्या टीमच्या कामाला दाद देत असताना लाखो शेतकऱ्यांचेही कौतुक आहे.

• केंद्रात जे कायदे करायचे ते करू द्या पण शेतकऱ्याच्या हिताला धक्का पोहचेल ते राज्य शासन कधीही करणार नाही.

• प्रयोगशील शेतीला नेहमी प्रोत्साहन देण्यात येईल.