आता कोचिंग क्लासेसमध्ये मोफत शिकवणी; लाॅकडाऊनचा परिणाम

मुंबई : शाळा, महाविद्यालय कधी सुरु होणार याची अनिश्चितता आहे. त्यातच अभ्यासक्रमात कपात करण्याबाबत विचार होत आहे. सध्याच्या अनिश्चित वातावरणामुळे कोचिंग क्लासचा प्रतिसाद कमी झाला आहे. क्लास सुरु ठेवण्यासाठी अनेक क्लासनी शुल्कात मोठ्या प्रमाणावर कपात केली आहे. 

कोचिंग क्लासनी विद्यार्थ्यांना आकर्षित करण्यासाठी अनेक योजना आणल्या आहेत. त्यात काहींनी वर्षाचे शुल्क दिल्यास काही कोर्स मोफत शिकवण्याची तयारी दाखवली आहे. या कोर्सचे शुल्क कोरोनापूर्वी काही हजार होते. कोरोनामुळे शाळा, महाविद्यालये बंद झाली तसेच कोचिंग क्लासही. उन्हाळी सुटीत क्लास पूर्ण बंद राहिले. आताही काही जणांसमोर क्लासच्या जागेचे भाडे देण्याचा प्रश्न गंभीर झाली आहे. 

कोरोनाच्या संकटात हनुमान कोळीवाडा ग्रामस्थांची पाण्यासाठी वणवण; प्रशासनाचे दुर्लक्ष...

कोचिंग क्लासमध्ये स्पर्धा कमालीची आहे. त्यात कोरोनाचे रुग्ण वाढत आहेत, त्यामुळे शाळा, महाविद्यालये सुरु झाली तरी परिक्षा सुरु होतील, याबाबत अनिश्चितता आहे. त्यामुळे अनेकजण क्लासचे महागडे शुल्क देण्यास तयार नाहीत. आता त्यांना आकर्षित करण्यासाठी क्लास जास्त आतूर झाले आहेत. काही क्लासनी थेट प्रत्येक विषयासाठी क्लास सुविधा देण्याची तयारी दाखवली आहे. त्यासाठीचे मासिक शुल्क अडिचशेपर्यंत खाली आणले आहे, तर काही क्लासनी वार्षिक शुल्क 30 हजारावरुन दहा हजारपर्यंत कमी केले आहे. 

दिलासादायक! मुंबईत रुग्ण दुपटीचा दर गेला 34 दिवसांवर; जाणून घ्या आजची आकडेवारी.. 

आम्हाला पालकांचाही विचार करायला हवा. अनेकांनी नोकऱ्या गमावल्या आहेत, तर काहींच्या पगारात मोठी कपात झाली आहे. या परिस्थितीत अनेक पालक मुला मुलींनी स्वतःच अभ्यास करावा असेच सांगत आहेत. आपण घरीच असल्यामुळे मुलांच्या अभ्यासकडेही लक्ष देता येईल असा विचार पालक करीत आहेत, या परिस्थितीत आम्हाला शुल्क कमी करुन विद्यार्थ्यांना आकर्षित करावे लागेल असे कोचिंग क्लास प्रमुख सांगतात. 

कोचिंग क्लास प्रमुखांनी दहावी, बारावीच्या विद्यार्थ्यांना जेईई, एनईईटच्या परिक्षांच्या पूर्वतयारीसाठी एकत्रित पॅकेज कमी रकमेत दिले आहे. त्यातही सध्या ऑनलाईनला पसंती दिल्यास शुल्क कमी करण्याची तयारी दाखवली जात आहे. काही क्लासनी तर आत्ता शिका, नंतर शुल्क भरण्याची सुविधाही दिली आहे. काही छोट्या क्लासनी एकत्र आले आहेत. ते व्हिडिओ शेअर करीत आहेत आणि त्याद्वारेही खर्च कमी करीत आहेत.

महत्तवाची बातमी

सावधान! 'Zoom App' वापरताय? मग सावध राहा; महाराष्ट्र सायबर विभागाचं नागरिकांना आवाहन..