मुंबई : इटलीच्या कोरोनाचा मुंबईला 500 कोटी रुपयांचा फटका बसला आहे. इटलीच्या मिलानमध्ये दरवर्षी चामड्यांच्या वस्तूंचे जागतिक प्रदर्शन असते. या प्रदर्शनातून मुंबईतील व्यापार्यांचा किमान 500 कोटी रुपयांचा व्यवहार होतो. मात्र, यंदा हेे प्रदर्शनच होणार नसल्याने मुंबईतील व्यापार्यांना 500 कोटी रुपयांच्या उत्पन्नाला मुकावे लागणार. धारावीसह मुंबईतील काही भागात मिळून चामड्याच्या वस्तू बनवणाऱ्या 200 ते 250 कारखान्यांना दरवर्षी या प्रदर्शनातून ऑर्डर मिळतात. साधारतः 400 ते 500 कोटी रुपयांचा हा व्यवहार असतो असे व्यवसायिक सांगतात. मात्र, यंदा हा व्यवहार ठप्प पडला आहे.
इटलीत होणाऱ्या प्रदर्शनातून जगभरात मुंबईत तयार झालेल्या चामड्याच्या वस्तू पाठवल्या जातात असे मुंबईतील चर्मोद्योजक राजेश खंदारे यांनी सांगितलं. मुंबईत तयार झालेल्या चामड्याच्या वस्तू या प्रामुख्याने युरोपियन देशात पाठवल्या जातात. मात्र, यंदा ते शक्य होणार नाही असेही त्यांनी सांगितले. वर्षभर हा व्यवहार सुरु असतो. मात्र,गेल्या तीन महिन्यापासून निर्यात ठप्प आहे. त्यामुळे तयार झालेला माल पडून असल्याने तोही खराब होण्याची शक्यता आहे. त्यामुळे दुहेरी फटका या उद्योगाला बसला आहे.
मुंबईत फक्त चामडं कमावण्याचे काम होतं नाही. पण त्यानंतरच्या सर्व प्रक्रीया करणे, कच्च्या चामड्यापासून वस्तू बनवण्याची अशी विविध कामे होतात. या सर्वांनाच लॉकडाऊनचा फटका बसला आहे. तसेच हे चामडही खराब होण्याची भिती व्यापारी व्यक्त करत आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.