मुंबई: कोरोना रुग्णांची संख्या मुंबईत वाढत असून आज शहरात सलग तिसऱ्यांदा रूग्णसंख्या 5 हजारांनी वाढली. गेल्या 24 तासात 5 हजार 513 नवे कोरोनाबाधित आढळले. गेल्या २४ तासांत एकूण 9 जणांचा मृत्यू झाला. वाढत्या रुग्णसंख्येमुळे पालिका प्रशासनाची चिंता वाढली असून मुंबईतील अ‍ॅक्टिव्ह रुग्णांची संख्या लवकरच 40 हजारांचा टप्पा गाठेल, असं रूग्णवाढीच्या वेगावरून दिसत आहे. सध्याच्या घडीला मुंबईत 37 हजार 804 अ‍ॅक्टिव्ह रुग्ण आहेत. जर अ‍ॅक्टिव्ह रुग्णांनी 40 हजारांचा टप्पा गाठला, तर ही मुंबईसाठी चिंतेची बाब ठरेल, अशी भीती कोविड टास्क फोर्स समितीने व्यक्त केली आहे.
आजचे नव्या रूग्णांच्या आकड्यानंतर आता मुंबईतील एकूण कोरोनाग्रस्तांचा आकडा 3 लाख 85 हजार 628 वर पोहोचला आहे. तर दिवसभरातील 9 मृत्यूंनंतर मृतांचा आकडा 11 हजार 629 वर पोहोचला आहे. 1 हजार 658 रुग्णांनी कोरोनावर मात केली असून आतापर्यंत 3 लाख 35 हजार 261 रुग्णांनी कोरोनावर मात केली आहे. मुंबईत सध्या 37 हजार 804 अ‍ॅक्टिव्ह रुग्ण विविध रुग्णालयात उपचार घेत आहेत.
| रुग्ण बरे होण्याचे प्रमाण | 87 टक्के |
| कोरोना रुग्ण वाढीचा सरासरी दर | 0.98 टक्के |
| रुग्ण दुपटीचा कालावधी | 68 दिवस |
| आतापर्यंत झालेल्या कोरोना चाचण्या | 38,888,73 |
मुंबईत आज मृत झालेल्या 07 रुग्णांना दीर्घकालीन आजार होते. मृत्यू झालेल्यांमध्ये 07 पुरुष तर 02 महिला रुग्णांचा समावेश होता. मुंबईत 43 इमारती आणि झोपडपट्टया कंटेन्मेंट झोन म्हणून जाहीर करण्यात आले असून सक्रिय सीलबंद इमारतींची संख्या 497 इतकी आहे. बाधित रूग्णांच्या संपर्कात येणा-या व्यक्तींची संख्या दिवसेंदिवस वाढत असून गेल्या 24 तासात बाधित रुग्णांच्या संपर्कात 24, 550 अति जोखमीचे व्यक्ती आले आहेत. आज कोविड काळजी केंद्र 1 मध्ये 918 अति जोखमीचे संपर्क उपचारासाठी दाखल करण्यात आले.
जी नॉर्थमध्ये नवीन 180 रुग्णांची नोंद
दरम्यान, धारावी दादर व माहीम मध्ये आज दिवसभरात 186 नवीन रुग्णांची नोंद झाली आहे. त्यामुळे या तिन्ही ठिकाणी कोरोना बाधित रुग्णांची संख्या 16, 113 वर पोहोचली आहे. तर, आज धारावीत 58 , दादरमध्ये 46, आणि माहिममध्ये आजच्या दिवसात सर्वाधिक 82 रुग्ण सापडले आहेत. तर आतापर्यंत 238 लोकांचे धारावीच्या कोविड लसीकरण केंद्रात लसीकरण झाले आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.