मुंबई : महानगरपालिका आता जाहिरातीतून कमाई करणार

मुंबई : महानगर पालिकेने (Brihanmumbai Municipal Corporation) आता जाहिरातीतून (advertising) कमाई करण्याच्या हालचाली सुरु केल्या आहे.महापालिकेच्या मालमत्तावर जाहिराती करुन उत्पन्न कमविण्यात येणार आहे.यातून वर्षाला 200 कोटी रुपयांचे उत्पन्न मिळवण्याचे ध्येय महानगर पालिकेचे आहे.

महानगर पालिकेच्या शुल्क वाढीवर मर्यादा आहेत.त्याच बरोबर आता 500 चौरस फुटा पर्यंतच्या घरांचा मालमत्ता कर रद्द झाल्याने वर्षाला 450 कोटी हून अधिक उत्पन्न कमी होणार आहे.त्याच बरोबर कोविडमुळे अचानक अतिरीक्त खर्च वाढल्याने महानगर पालिकेला पहिल्यांदाच ठेवी वापराव्या लागल्या आहेत.त्याच बरोबर आता कोस्टल रोड सारखे मोठे प्रकल्प सुरु असून खर्चात दरवर्षी वाढ होत आहे.यामुळे महानगर पालिका आता उत्पन्नाचे नवे मार्ग शोधत आहे.त्यात जाहिरातीतून उत्पन्न मिळवण्याचा विचार पुढे आला आहे.यासाठी महानगर पालिका सल्लागार नेमणार असल्याचे सांगण्यात आले.( Latest Mumbai news)

महानगरपालिकेच्या शाळा,रुग्णालये,पालिका कार्यालयाच्या परीसरात जाहीरात करुन महानगर पालिका उत्पन्न मिळणार आहे.त्यासाठी पालिकेने प्रयत्नही सुरु केले आहे.आता पर्यंत पालिका खासगी ठिकाणी होर्डिंग लावण्यासाठी शुल्क वसुल करत होती.त्याच बराेबर सार्वजनिक ठिकाणी बॅनर लावण्यासाठीही शुल्क घेतले जात होते.मात्र,त्यातून फारसे उत्पन्न मिळत नव्हते.महानगर पालिकेचे अनेक भुखंड,इमारती मोक्याच्या ठिकाणी आहेत.तेथे जाहीरात करण्याची परवानगी दिल्यास वर्षाला 200 कोटी रुपयांचे उत्पन्न मिळू शकते असा पालिकेचा अंदाज आहे.

जंक्शनचा अभ्यास

महालक्ष्मी रेल्वे स्टेशन परिसर, दादर रेल्वे स्टेशन परिसर, भायखळा रेल्वे स्टेशन परिसर, वांद्रे कलानगर परिसर अशा मोक्याच्या ठिकाणी जेथे पालिकेच्या मालकीच्या जागा आहे, तेथे खाजगी कंपनीला जाहिरात करता येणार आहे. यासाठी सल्लागाराची नियुक्ती करण्यासाठी निविदा मागवणार असल्याचे अधिकाऱ्याने सांगितले.(Mumbai News)