Mumbai Crime: रिक्षाच्या धडकेत विद्यार्थीनीचे दोन दात पडले; रिक्षा चालक घटनास्थळावरून फरार, पण...

डोंबिवली - रस्ता ओलांडणाऱ्या एका 19 वर्षीय विद्यार्थीनीला रिक्षाची धडक बसून जबर दुखापत झाली. त्यात तिचे दोन दात देखील पडल्याची घटना कल्याण पूर्वेत घडली आहे. याप्रकरणी विद्यार्थीनीने दिलेल्या तक्रारीवरुन कोळसेवाडी पोलिसांनी रिक्षाचालका विरोधात गुन्हा दाखल करत त्याचा शोध घेण्यास सुरुवात केली आहे.

कल्याण पूर्वेतील हाजी मलंगगड रोडवर चेतना शाळेसमोर सोमवारी सकाळी हा अपघात झाला. घर दुरुस्तीसाठी लागणारे सामान खरेदी करुन ते हर्षदा वाघमारे ही 19 वर्षीय विद्यार्थीनी घरी जात होती. दरम्यान नांदिवली दिशेकडून चक्कीनाका दिशेने जाणाऱ्या रिक्षाने तिला जोरदार धडक दिली. (Latest Marathi News)

या धडकेत विद्यार्थीनीच्या हाता पायाला गंभीर दुखापत झाली आहे. तसेच तिचे दोन दात देखील पडले आहेत. या तरुणीला मदत करण्याऐवजी रिक्षा चालक घटनास्थळावरुन पळून गेला.

या तरुणीच्या तक्रारीवरुन पोलिसांनी कोळसेवाडी पोलीस ठाण्यात गुन्हा दाखल केला आहे. रिक्षा वाहन क्रमांकावरुन पोलीस चालकाचा शोध घेत आहेत. (Marathi Tajya Batmya)