मुंबई : विलेपार्ले पूर्व परिसरात लॉकडाऊन असतानाही स्कॉर्पिओ वाहनामधील साऊंड मोठ्या आवाजात करून रस्त्यावर नाचणे सहा जणांना चांगलेच महागात पडले आहे. या प्रकरणी विलेपार्ले पोलिसांनी कारवाई करत सहा जणांविरोधात गुन्हा दाखल केला आहे. या घटनेतील स्कॉर्पिओ वाहनही जप्त करण्यात आले आहे. अधिक तपास पोलिस करीत आहे.

ही बातमी वाचली का? धक्कादायक! पूर्व उपनगरातल्या डोंगरांमध्ये घुसला कोरोना. वस्त्यांमध्ये भीतीचं वातावरण... 

एकीकडे लॉकडाऊन असताना सोशल डिस्टन्सच्या पालन करण्यासाठी पोलिस जनजागृती करीत असतानाच स्कॉर्पिओ वाहनातील साऊंड सिस्टीम वाजवून भर रस्त्यात नृत्य करत असल्याचा व्हिडीओ समाज माध्यमांवर व्हायरल झाल्याची गंभीर दखल विलेपार्ले पोलिसांनी घेतली. या घटनेतील स्कॉर्पिओ (क्रमांक MH02/CX/8055)चा वाहनचालक श्रीकांत अशोक जाधव (32) याला पोलिस ठाण्यात आणून चौकशी केल्यानंतर त्याने पाच सहकाऱ्यांसमवेत सुभाष रोड येथे रात्री 1 वाजता नृत्य केल्याचे सांगितले. 

ही बातमी वाचली का? मुंबईत कसा असेल 5.0 लॉकडाऊन? संध्याकाळी होणार महत्वपूर्ण निर्णय

या प्रकरणी विलेपार्ले पोलिसांनी क्रमांक 222/20 कलम 188 269 भारतीय दंड विधान सह कलम 51(ब) राष्ट्रीय आपत्ती व्यवस्थापन अधिनियम सह कलम 11 महाराष्ट्र 19 उपायोजना अन्वये गुन्हा नोंदवला आहे.