ठाकरे समर्थक विजय साळवी यांना तडीपारीची नोटीस: फेसबुक पोस्ट करत दिली माहिती

उध्दव ठाकरे समर्थक विजय साळवी यांना ठाणे, मुंबई, रायगड जिल्ह्यांमधून २ वर्षासाठी तडीपार करण्याची नोटीस साहाय्यक पोलीस आयुक्त उमेश माने पाटील यांनी बजावली आहे. महाराष्ट्र पोलीस अधिनियम १९५१ च्या ५६ (१) (अब) अन्वये पोलिसांनी ही नोटीस बजावली आहे. त्यामुळे खळबळ उडाली असून शिवसैनिकांनी या नोटीसमुळे संताप व्यक्त करत आहेत.

शिंदे गटात दाखल होण्यासाठी सगळ्यांनी आपली तत्वे, निष्ठा गहाण ठेवायच्या का असा प्रश्न जिल्हाप्रमुख साळवी यांच्यासह संतप्त शिवसैनिकांनी उपस्थित केला आहे. तर या नोटीसीला कायदेशीर उत्तर देणार असल्याचं स्पष्टीकरण साळवी यांनी दिलं आहे. ही नोटीस राजकीय हेतू बजावली आसल्याचे शिवसैनिकांन कडून सांगितल जात आहे.

'महात्मा फुले चौक आणि बाजारपेठ पोलीस स्टेशनच्या हद्दीत शिवाजी चौक, कल्याण पश्चिम, तेजश्री बिल्डिंग, एमएसईबीच्या कार्यलाजवळ, महात्मा फुले चौक, भाजप शहर कार्यालय, अहिल्याबाई चौक, लाल चौकी, खडकपाडा अशा सार्वजनिक ठिकाणी तुम्ही गुन्हे केले आहेत. आणि आता ही गुन्हे करतच आहात. तुम्ही खडपाडा पोलीस ठाण्याच्या हद्दीतील २/२०४ महावीर नगरी टॉवर, खडपाडा कल्याण पश्चिम या ठिकाणी वास्तव्यास आहात. तुमचे गुन्हेगारीचे क्षेत्र हे महात्मा फुले चौक आणि बाजारपेठ पोलीस ठाण्यातील आजाबाजूचा परिसर आहे. अस नोटीसमध्ये म्हटलं आहे.