वाहनांसाठी आकर्षक क्रमांक ...नको रे बाबा!

नवी मुंबई : प्रतिष्ठेच्या मानल्या जाणाऱ्या आकर्षक क्रमांकांची मागणी गेल्या वर्षभरात घटली आहे. त्यामुळे नवी मुंबई उपप्रादेशिक परिवहन विभागाच्या उत्पन्नात मोठी घट झाली आहे. 

ही बातमी वाचली का? भारतात एप्रिलमध्य़े मर्सिडीजची इलेक्ट्रीक मोटार!

शहरात एप्रिल २०१९ ते डिसेंबर २०१९ मध्ये ३०४४ फॅन्सी आकर्षक क्रमांकांची विक्री करण्यात आली. या माध्यमातून वाशी उपप्रादेशिक परिवहन विभागाच्या तिजोरीत ३ कोटी ६३ लाख ३ हजार रुपये जमा झाले. याउलट एप्रिल २०१८ ते डिसेंबर २०१८ मध्ये ४२४६ फॅन्सी क्रमांकांची विक्री करण्यात आली होती. त्याद्वारे आरटीओच्या तिजोरीत ३ कोटी १७ लाख ७२ हजार इतकी रक्कम जमा झाली. अर्थात एप्रिल २०१८ ते डिसेंबर २०१८ च्या तुलनेत एप्रिल २०१९ ते डिसेंबर २०१९ मध्ये १२०२ इतक्‍या आकर्षक क्रमांकांच्या विक्रीत घट झाली असून, प्रादेशिक कार्यालयाच्या उत्पन्नातदेखील घट झाली आहे. 

ही बातमी वाचली का? एसी डबल डेकरमध्ये यामुळे होतीये प्रवाशांची गैरसोय!

आकर्षक क्रमांकासाठी सरकारकडून जादा शुल्क आकारणी केली जाते. नवी मुंबईत आकर्षक क्रमांक घेण्याकडे वाहनचालकांचा कल कमी होत असल्याचे परिवहन विभागाच्या आकडेवारीवरून स्पष्ट होत आहे. आकर्षक क्रमांक घेताना अंकांची बेरीज करून शेवटच्या अंकाची संख्या भाग्य क्रमांक असतो, तोच यायला पाहिजे, असा आकर्षक क्रमांक घेणाऱ्यांचा कल असतो. त्याचप्रमाणे आधीचे वाहन भाग्यशाली लागल्यास त्याच वाहनांचा नंबर पुन्हा घेण्यासाठी देखील आरटीओकडे मागणी करण्यात येते, असे उपप्रादेशिक परिवहन अधिकारी दशरथ वाघुले यांनी सांगितले. 

एप्रिल ते डिसेंबर या काळात वाहनांची नवीन शृंखला सुरू झाली नाही. त्यामुळे आकर्षक क्रमांकांच्या मागणीत घट झाल्याची शक्‍यता आहे. 
- दशरथ वाघुले, उपप्रादेशिक परिवहन अधिकारी, वाशी.