एसी डबल-डेकरमध्ये प्रवाशांची यामुळे होतेय गैरसोय

मुंबई : पश्‍चिम रेल्वेवरील मुंबई-अहमदाबाद एसी डबल-डेकर एक्‍स्प्रेसमध्ये प्रवाशांची गैरसोय होत असल्याची तक्रार रेल यात्री परिषदेने केली आहे. या रेल्वेगाडीत प्रवाशांना सामान ठेवण्यासाठी पुरेशी जागा उपलब्ध नाही असे सांगण्यात आले.

महत्वाची बातमी मुख्यमंत्री कार्यालयात होणार कर्मचारी कपात, कारण तर जाणून घ्या..

मुंबई सेंट्रल-अहमदाबाद मार्गावरील वातानुकूलित दुमजली एक्‍स्प्रेसची प्रवासी क्षमता अन्य रेल्वेगाड्यांपेक्षा 40 टक्के जास्त आहे. या गाडीतील एका डब्यातून 120 जण प्रवास करू शकतात. ही एक्‍स्प्रेस डबल डेकर असल्यामुळे सामान ठेवण्याचे रॅक अपुरे पडतात. परिणामी प्रवाशांची गैरसोय होते. काही प्रवासी जेवणाच्या टेबलवर सामान ठेवतात. दोन आसनांमधील जागेत सामान ठेवल्यामुळे ये-जा करण्यास त्रास होतो, अशा तक्रारी असल्याचे रेल यात्री परिषदेतर्फे सांगण्यात आले.

हे  वाचलेय का... "संजय राऊतांची फक्त १० मिनिटं सुरक्षा काढा, मग बघा काय होतं.."

मुंबई आणि गुजरातच्या प्रवाशांसाठी एसी डबल डेकर गाडी महत्त्वाची आहे. या एक्‍स्प्रेचा वापर करणाऱ्या प्रवाशांची संख्या मोठी असली, तरी सामान ठेवण्याची जागा अत्यंत कमी आहे. त्यामुळे पश्‍चिम रेल्वेने ही समस्या तातडीने सोडवावी.
- सुभाष गुप्ता, अध्यक्ष, रेल यात्री परिषद

Inconvenience of passengers in AC double-decker