नोटांना सॅनिटायझर लावताय? तर थांबा; बॅंकिंग क्षेत्रातील जाणकारांनी दिली महत्वाची माहिती...

कल्याण : लॉकडाऊन शिथिल झाल्याने आता बाजारात नागरिकांचा वावर वाढला असून दैनंदिन व्यवहारही सुरू झाले आहेत. ठाणे,  कल्याण-डोंबिवली शहरात पुन्हा लॉकडाऊनची घोषणा झाली असली तरी अत्यावश्यक सेवा या सुरूच राहणार आहेत. सद्या नागरिक सुरक्षा म्हणून सॅनिटायझरचा वापर मोठ्या प्रमाणात करत असून नोटांवरही सॅनिटायझर मारू लागले आहेत. मात्र असे केल्याने नोटा खराब होण्याच्या तक्रारीही वाढल्या असून नोटांना सॅनिटायझर लावू नका, असा स्पष्ट सल्ला बँक क्षेत्रातील जाणकार देत आहेत. 

मुंबईकरांनो सावधान! जुलै महिन्यातील आठ दिवस धोक्याचे; प्रशासनाने दिला सतर्कतेचा इशारा..

नोटांमुळे कोरोना विषाणूचा संसर्ग होतो हे अद्याप स्पष्ट झाले नसून आरबीआयनेही याबाबत कोणत्या सूचना दिलेल्या नाहीत. दरम्यान बँकामध्ये नोटांची देवाणघेवाण अधिक होते. मात्र आम्ही नोटांना सॅनिटायझर न लावता हाताला सॅनिटायझर लावतो व हॅन्डग्लोजचा वापर करतो अशी माहिती बँक कर्मचाऱ्यांनी दिली आहे.

खाकी वर्दीची तत्परता ! एक ट्विट अन् 'त्या' व्यक्तीच्या मदतीसाठी पोलिस धावून गेले

तर दुसरीकडे खबरदारीचा उपाय म्हणून ग्राहकांसह दुकानदार , व्यापारी नोटांवर वाटेल तितका सॅनिटायझर मारू लागले आहेत. त्यामुळे अनेक नोटांचा रंग काहीसा उडाला असून नोटा खराब होत असल्याच्या तक्रारी येत असल्याचे बँकातून सांगण्यात आले. तसेच चेकचे व्यवहार करतानाही चेक वरील शाई उडू नये याकरिता सॅनिटायझर मारणे टाळले पाहिजे असे मत ही जाणकारांनी व्यक्त केले आहे. 

ठाणेकरांनो! उद्यापासून असा असेल 'लॉकडाऊन', प्रशासनाकडून 'नियमावली' जाहीर

सॅनिटायझर मध्ये केमिकल असल्याने त्यामुळे नोटांचा रंग उडतो. बँकेमध्येही कर्मचारी नोटांना सॅनिटायझर न लावता हाताला लावतात. नोटा खराब होणे टाळायचे असल्यास त्यावर सॅनिटायझक मारणे नागरिकांनी बंद करावे. 
- प्रणय भोसले, बँक कर्मचारी 

दुकानात अनेक प्रकारचे ग्राहक येतात यातील काही रेड झोन मधूनही येतात. त्यामुळे थोडा सॅनिटायझर आम्ही नोटांवर मारायचो. त्यामुळे नोटा काहीशा खराब झाल्या पण आता हातालाच सॅनिटायझर लावा असे बँकेतील कर्मचा-याने सांगितल्याने ही पद्धत अवलंबली आहे. 
- जिग्नेश शहा, व्यापारी