दिलासादायक बातमी! मुंबईत रुग्ण दुपटीचा दर गेला 51 दिवसांवर; आज दिवसभरात तब्बल 'इतक्या' रुग्णांची नोंद.. 

मुंबई : मुंबईतील कोरोना बाधित रुग्णांचा आकडा हजार च्या खाली यायला तयार नसून आज 1174 नवीन रुग्ण सापडले असून एकूण रुग्णसंख्या 93,694 झाली आहे. तर आज 47 रुग्णांचा मृत्यू झाला असून मृतांचा आकडा 5,332 वर पोचला आहे. मात्र मुंबईत आज एका दिवसात 750 रुग्ण बरे होऊन घरी गेले.  

हेही वाचा: धक्कादायक प्रकार! जंम्बो ऑक्सिजन सिलेंडर पुरवण्याचं कंत्राट दिलं बिल्डरला; मुंबई महानगर पालिकेचा प्रताप..

                                                    
मुंबईत आज नोंद झालेल्या 47 मृत्यूंपैकी  37 जणांना दीर्घकालीन आजार होते. आजच्या एकूण मृत्यू झालेल्या व्यक्तींमध्ये 31 पुरुष तर 16 महिलांचा समावेश होता. एकूण मृत झालेल्या रुग्णांपैकी 6  जणांचे वय 40 च्या खाली होतेे. तर 28 रुग्ण 60 वर्षा वरील होते तर 13 रुग्ण 40 ते 60 वर्षा दरम्यान होते
.                         
मुंबई संशयित रुग्ण आढळणे सुरूच असून आज एकूण 934 नवे संशयित रुग्ण सापडले असून आतापर्यंत 65,550 संशयित रुग्णांना रुग्णालयात दाखल करण्यात आले. कोरोना बाधितांची संख्या वाढत असली तरी या आजारातून बरे होणाऱ्या रुग्णांची संख्या ही वाढत आहे. आज 750 रुग्ण बरे झाले असून आज पर्यंत  65,6222 रुग्णांना घरी सोडण्यात आले. 

हेही वाचा: प्लाझ्मा थेरपी संदर्भात फसवणूक होण्यापासून सावधान; गृहमंत्री अनिल देशमुख यांचं आवाहन..                                               

मुंबईत आजारातून बरे झालेल्या रुग्णांचा दर हा 70 टक्के इतका आहे. तर 12 जुलै पर्यंत एकूण 3,96,500 कोविड चाचण्या करण्यात आल्या. तर 6 जुलै ते 12 जुलै दरम्यान कोविड रुग्णवाढीचा दर हा 1.36 इतका आहे. तर रुग्ण दुपटीचा दर हा 51 दिवसांवर गेला आहे.

संपादन : अथर्व महांकाळ 

doubling rate of corona patients in mumbai goes to 51 days