मुंबई : मिठी नदी पुनरुज्जीवन प्रकल्पातील घोटाळ्यात घडलेले आर्थिक गैरव्यवहार तपासणाऱ्या सक्तवसुली संचालनालयाने (ईडी) शनिवारी अभिनेता डिनो मोरिया आणि अन्य सात जणांना समन्स जारी करून चौकशीसाठी बोलावले आहे. पुढील आठवड्यात ही चौकशी होईल..शुक्रवारी मुंबई आणि केरळ राज्यातील कोची, त्रिसूर येथील एकूण १८ ठिकाणांवर छापे घातले. त्यात डिनो मोरिया, त्याचा भाऊ सँटीनो यांच्यासह घोटाळ्यात सहभाग स्पष्ट झालेले पालिका अधिकारी प्रशांत रामगुडे, कंत्राटदार भूपेंद्र पुरोहित, कोची येथील मॅटप्रॉप टेक्निकल सर्विसेस कंपनी, आरोपी मध्यस्थ जय जोशी, केतन कदम यांच्या निवासस्थानी आणि कार्यालयांचा समावेश होता..ईडीने केलेल्या छाप्यांपूर्वी, आरोपी व संशयितांनी संपादित केलेल्या मालमत्ता आणि मालमत्ता खरेदीसाठी वापरलेल्या पैशाच्या स्त्रोताची तपासणी सुरू केल्याची माहिती मिळाली होती. यादरम्यान जप्त केलेली कागदपत्रे व मालमत्तांच्या पडताळणीबाबत ईडीने आता आठ जणांना समन्स पाठवले आहेत. ज्यामध्ये डिनो मोरियासह आरोपी व मध्यस्थी अशा इतर व्यक्तींनाही समन्स बजावण्यात आले आहे..ईडीने दिलेल्या माहितीनुसार, या कारवाईत अनेक डिजिटल उपकरणे,न्यापसाशी संबंधित महत्वाची कागदपत्रे आणि सात लाख रुपयांची रोकड जप्त करण्यात आली. तसेच २२ बँक खाती आणि डिमॅट खाते गोठविण्यात आले..मिठी नदी पुनरुज्जीवन प्रकल्पातील घोटाळ्याचा तपास मुंबईच्या आर्थिक.गुन्हे शाखेकडून सुरू आहे. रामगुडे यांच्यासह तीन पालिका अधिकारी, पाच ठेकेदार कंपन्या, तीन मध्यस्थ - दलाल आणि मॅटप्रॉप कंपनीच्या दोन प्रमुखांवर गुन्हा नोंदवला आहे. .प्राथमिक तपासात या आरोपींनी संगनमताने ६५ कोटींचा भ्रष्टाचार केल्याचे पुरावे हाती लागल्याचा दावा आर्थिक गुन्हे शाखेने केला आहे. त्यातील आर्थिक गैरव्यवहाराचा तपास ईडीकडून सुरू आहे..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
