भिवंडी : भिवंडी तालुक्यातील कोनगाव ग्रामपंचायत क्षेत्रातील विविध बँकांच्या एटीएममध्ये पैसे काढण्यासाठी आलेल्या सामान्य नागरिकांना मदत करीत असल्याचे भासवून त्यांचे एटीएम कार्ड चोरून, त्याद्वारे पैसे काढून फसवणूक करणाऱ्या त्रिकुटाच्या मुसक्या आवळण्यात ठाणे पोलिसांना यश आले आहे. या प्रकरणी गुन्हा दाखल करण्यात आला आहे.
गेल्या बुधवारी (ता. 24) कोनगाव येथील युनियन बँक एटीएममध्ये पैसे काढण्यासाठी गेलेल्या मजूराला मदत करण्याच्या बहाण्याने त्याच्या एटीएम कार्डाद्वारे 25 हजार काढून फसवणूक केल्याची घटना घडली होती. ठाण्याचे पोलिस आयुक्त विवेक फणसळकर यांच्या नेतृत्वाखाली वरिष्ठ पोलिस निरीक्षक रमेश काटकर व अन्य पोलिसांच्या पथकाने मिळालेल्या माहितीनुसार कोनगाव येथे संशयास्पद फिरणाऱ्या तिघांना ताब्यात घेऊन त्यांची चौकशी केली असता 24 जून रोजी हातचलाखी करून 25 हजार रुपये काढल्याचे त्यांनी कबूल केले.
तसेच कोनगाव पोलिस ठाण्यात 10 जून रोजी युनियन बँक एटीएम येथे अशाच पद्धतीने 69 हजार काढल्याचीही कबुली दिली. या त्रिकुटाकडून 47 हजार रोख रक्कम, 12 हजार रुपयांचे दोन मोबाईल व 80 हजार रुपये किमतीची एक दुचाकी असा एकूण एक लाख 39 हजार रुपयांचा मुद्देमाल पोलिसांनी जप्त केला. पोलिस निरीक्षक काटकर तपास करीत आहे.
Fraud under the pretext of withdrawing money from an ATM
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.