सबस्क्राईब करा
मुंबईतील घाटकोपरमध्ये काळ वादळी वारा आणि पावसासह मोठं संकट आलं. घाटकोपर येथे एक मोठं होर्डींग कोसळलं. या होर्डींगने अनेक लोकांचे जीव घेतले. आतापर्यंत या घटनेत १४ लोकांचा मृत्यू तर ७४ जण जखमी आहेत. कुणाचा भाऊ, कुणाचे वडील, कुणाचा मुलगा या घटनेत मृत्यूमुखी पडले. या होर्डींगवरुन आता राजकारण सुरु आहे.
मात्र तिथं जवळ एक पेटॅोल पंप होते जिथे एक माणूस उभा होता. जो थोडक्यात बचावला नंतर त्याने इतर लोकांना देखील वाचवले. त्यांनी होर्डिंग कोसळल्याची संपूर्ण घटना स्वतःच्या डोळ्यांनी पाहिली आणि त्या भीषण दृश्याचे वर्णन केले.
सोमवारी दुपारी काही हा अपघात घडला. घाटकोपरच्या पेट्रोल पंपावर अमित गुपचंदानी हे पेट्रोल भरत होते. यावेळी अनेक लोक तिथे होते. बाजूला पार्किंग होती. त्यांना कल्पानाही नव्हती की काही सेंकदात सर्वांचे आयुष्य बदलून जाईल.
ठाणे येथील व्यापारी असलेले अमित गुपचंदानी म्हणाले, "घटनेच्या वेळी मी माझ्या कारमध्ये इंधन भरण्यासाठी पेट्रोल पंपावर गेलो होतो. अचानक जोरदार वारा वाहू लागला आणि अचानक होर्डिंग पेट्रोलवर पडले. पंप, होर्डिंगखाली काही लोक दबले गेले आणि आजूबाजूचे लोक पळू लागले. सुदैवाने मी आणि माझा मित्र थोडक्यात बचावलो.
अनेक लोक होर्डिंगखाली अडकले होते. जोरात आवाज करत होते. मी त्यांना बाहेर काढण्याचा प्रयत्न करत होतो. अनेक लोकांना वाहनात बसून रुग्णालयात पोहचवले.
या घटनेत अनेक कुटुंबांचा आधार गेला आहे. या घटनेत २१ वर्षीय कमावत्या तरुणाचा मृत्यू झाला. राठोड कुटुंबाचा कमावता आधार गेला. पेट्रोल पंपावर इंधन भरण्यासाठी येताच घात झाला. भरत राठोड असं या २१ वर्षीय तरुणाचं नाव आहे. पाऊस सुरु होता त्यामुळे अनेकजण पेट्रोल पंपाचा आधार घेऊन थांबले होते. मात्र होर्डिंग कोसळल्यामुळे अनेकजण जखमी झाले.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.