Share Market: सेन्सेक्सचा आलेख वर; 49 हजारांपार मजल

मुंबई: मागील सलग चार दिवसांच्या घसरणीनंतर भारतीय निर्देशांकांने (Share Market) आज आठवड्याच्या शेवटच्या दिवशी वाढ दाखवली. शेअर बाजारात ही सलग तिसऱ्या दिवशीची वाढ आहे. आज 256 अंशांनी वाढलेला सेन्सेक्स (Sensex) 49 हजार 206 अंशांवर बंद झाला. निफ्टीदेखील (Nifty) 98 अंशांनी वाढून 14 हजार 823 अंशांवर स्थिरावला. आज सेन्सेक्समधील 30 प्रमुख समभागांपैकी 24 समभागांचे (Shares) दर वाढले तर सहा समभागांचे दर घसरले. (Good News in Share Market as Sensex Crosses 49 Thousand Mark)

HDFC, महिंद्रा आणि महिंद्रा, बजाज फिनसर्व्ह, NTPC या समभागांचे दर दोन टक्क्यांच्या आसपास वाढले. तर एअरटेल, ITC, हिंदुस्थान युनिलीव्हर यांचे दरही सुमारे एक टक्का वाढले. बजाज ऑटो, बजाज फायनान्स, इन्फोसिस, कोटक बँक यांचे दर घटले. काल ONGC, बजाज फायनान्स एक-दोन टक्के वाढले होते तर TCS, स्टेट बँक, कोटक बँक, नेस्ले, टेक महिंद्र, हिंदुस्थान युनिलिव्हर, एशियन पेंट यांचे दर किरकोळ वाढले होते. डॉ. रेड्डी, रिलायन्स, सनफार्मा दोन टक्क्यांपर्यंत घसरले. HDFC व HDFC बँक, इन्फोसीस, ITC, महिंद्रा आणि महिंद्रा हे समभागही दीड टक्क्यांच्या आसपास घसरले होते.

आजचे सोन्या-चांदीचे दर

सोने (10 ग्रॅम) - 45,800 रु.

चांदी (1 किलो) - 71,600 रु.