कंगनासाठी हिमाचलमधल्या गुंडांची स्टंटबाजी, थेट गृहमंत्र्यांना ९ वेळा धमकीचे फोन

कंगनासाठी हिमाचलमधल्या गुंडांची स्टंटबाजी, थेट गृहमंत्र्यांना ९ वेळा धमकीचे फोन

मुंबईः अभिनेत्री कंगना राणावतनं केलेल्या वक्तव्याचे सध्या पडसाद उमटत आहेत. मुंबई तसंच मुंबई पोलिसांविरोधात केलेल्या वक्तव्यामुळे चांगलाच वाद पेटला आहे. कंगनाच्या प्रकरणावर प्रतिक्रिया देणारे राज्याचे गृहमंत्री अनिल देशमुख यांनाही धमकीचे फोन येऊ लागलेत. गृहमंत्र्यांना हिमाचल प्रदेशमधून काही गुंड सतत फोन करुन धमकी देत असल्याची धक्कादायक माहिती समोर आली आहे. 

'कंगना राणावत से दूर रहो...ये बात समझ लो...तुमने गलत किया अभी भी संभल जाओ नही तो...' अशा आशयाचे धमकीचे फोन गृहमंत्र्यांना आलेत. असे ७ फोन आल्याचं समजतंय. तर आज सकाळी म्हणजेच ९ सप्टेंबरला दोन वेळा धमकीचे फोन आले. धमकीचे हे फोन हिमाचल प्रदेशमधून आलेत.  हे फोन वेगवेगळ्या मोबाईल क्रमांकांवरुन येत आहेत. या धमकीच्या फोननंतर मुंबई पोलिसांनी तातडीने तपास करण्यास सुरुवात केली आहे.

कंगनाविरोधात विधानपरिषदेत हक्कभंगाचा प्रस्ताव

मंगळवारी विधानपरिषदेत काँग्रेस नेते भाई जगताप यांनी कंगनाविरोधात हक्कभंग प्रस्ताव मांडला. ही नटी ड्रग्ज घेत असल्याचं अध्ययन सुमनने २०१६ मध्ये एका मुलाखतीत सांगितलं होतं. ही महिला राज्याबद्दल बोलते, तिच्याविरोधात हक्कभंग आला आहे, असं भाई जगताप यावेळी म्हणाले. 

कंगनाची चौकशी करणार 

कंगना ड्रग्स घेते असे आरोप अभिनेता शेखर सुमन यांचा मुलगा अध्ययन सुमन यांनी एका मुलाखतीत केलं होतं. त्यासंदर्भात चौकशी करण्याची मागणी प्रताप सरनाईक यांनी केली होती. त्याचीही चौकशी आम्ही करणार असल्याचंअनिल देशमुख यांनी सभागृहात सांगितलं.

Home Minister Anil Deshmukh Receive Threatened Call For Kangana Himachal Pradesh

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com