शेतकरी कर्जमाफीबद्दल गृहमंत्री अनिल देशमुख यांचं 'मोठं' वक्तव्य, बँकांबद्दल म्हणालेत...

सकाळ वृत्तसेवा
Tuesday, 23 June 2020

शेतकऱ्यांना कर्ज न देणाऱ्या बँकांवर  फौजदारी गुन्हे दाखल होणार - गृहमंत्री अनिल देशमुख

मुंबई : सध्या शेतकऱ्यांचा पेरणीचा काळ आहे. यासाठी त्यांना पीक कर्जाची आवश्यकता असताना अनेक नॅशनललाईज बँका या शेतकऱ्यांना कर्ज देण्यासाठी टाळाटाळ करीत असल्याची बाब समोर येत आहे. ही अतिशय गंभीर बाब असून ज्या बँका शेतकऱ्यांना पीक कर्ज देणार नाही त्यांच्यावर फौजदारी गुन्हे दाखल करण्यात येतील असा गंभीर इशारा राज्याचे गृहमंत्री अनिल देशमुख यांनी दिला आहे. 

मोठी बातमीअमित ठाकरेंची अजित पवारांसोबतची भेट यशस्वी, अजित पवारांनी घेतला 'मोठा' निर्णय...
शेतकऱ्यांना सुलभतेने कर्ज मिळावे यासाठी राज्य शासन आग्रही आहे. यासाठी राज्य शासनाच्यावतीने देखील विशेष आदेश निर्गमित करण्यात आले आहेत. असे असतानाही अनेक नॅशनलाईज बँका या शेतकऱ्यांना पीक कर्ज देण्यासाठी टाळाटाळ करीत असल्याच्या  तक्रारी या प्राप्त होत आहे, ही अतिशय गंभीर बाब आहे. ज्या बँक पीक कर्ज देत नाही त्यांना वारंवार सूचना सुद्धा करण्यात येत आहे.

मोठी बातमी - मादक सौंदर्याची व्याख्या सांगणारी 'बिकिनी' अशी आली जन्माला..

शेतकऱ्यांना पीक कर्ज देण्यासाठी टाळाटाळ करीत आहे अशा बँकांची तक्रार जिल्हाधिकारी यांनी दिली तर अडचणीच्या काळात शेतकऱ्यांची पिळवणूक करणाऱ्या बँकांवर कडक कारवाई करण्यात येईल, अशी माहिती  गृहमंत्री अनिल देशमुख यांनी दिली. 

home minister anil deshmukh warns banks for not giving farmers loan wavier

 


स्पष्ट, नेमक्या आणि विश्वासार्ह बातम्या वाचण्यासाठी 'सकाळ'चे मोबाईल अॅप डाऊनलोड करा
Web Title: home minister anil deshmukh warns banks for not giving farmers loan wavier