कोरोना चाचण्यांसाठी पालिकेच्या रुग्णालयावर ICMRचा विश्वास अधिक

मुंबईः  कोरोनावरील लसीच्या मानवी चाचणीचा दुसरा- तिसरा टप्पा मुंबईतील पालिकेच्या केईम आणि नायर रुग्णालयात होणार आहे. 20 ते 50 वयोगटातील सुदृढ व्यक्तींवर हा प्रयोग होणार आहे. 

देशभरातील 10 सेंटरपैकी मुंबईतील केईएम हॉस्पिटल आणि नायर रुग्णालयाची चाचणीसाठी निवड करण्यात आली आहे. पुढच्या आठवड्यापासून पुण्याच्या सिरम इन्स्टिट्युट आणि ब्रिटनची ऑक्सफर्ड युनिव्हर्सिटी बनवत असलेल्या कोरोना लसीची दुसऱ्या आणि तिसऱ्या टप्प्यातील मानवी चाचणी देशात आठवडाभरात सुरु होणार आहे. 

"कोविशिल्ड वॅक्सिन" असे या लसीचे नाव असून देशभरातील 10 सेंटरमध्ये एकूण 1600 निरोगी लोकांवर लसीची एकाच वेळी चाचणी घेतली जाणार आहे. मुंबईच्या केईएम रुग्णालयामधील 160 (निरोगी लोक) स्वयंसेवकांवर लसीची चाचणी होणार आहे.

हेही वाचाः  धक्कादायक, मुंबईत घरात घुसून विवाहित महिलेवर अत्याचार, तीन नराधमांना अटक

आयसीएमआरच्या सूचनांनुसार, सिरम  इन्स्टिट्युटने तयार केलेल्या लसीच्या चाचणीसाठी देशभरातील 10 सेंटर्समध्ये ही चाचणी घेतली जात आहे. या चाचणीचा पहिला टप्पा यूकेमध्ये पार पडला असून दुसरी चाचणी यूकेमधील 10 हजार लोकांवर सुरु आहे. तसेच, युएसए आणि ब्राझिलमध्ये देखील या लसीची चाचणी घेण्यात येईल. 

भारतातील लसीची चाचणी करण्यासाठी निवडण्यात आलेले सेंटर्स

• केईएम रुग्णालय
• नायर रुग्णालय
• बीजे मेडिकल पुणे
• एम्स नवी दिल्ली
• पाटणा मेडिकल कॉलेज
• सरकारी रुग्णालय नागपुर
• पीजीआय चंदिगढ
• क्षयरोग रिसर्च सेंटर चेन्नई
• जेएसएस मेडिकल कॉलेज मैसूर

क्लिनिकल ट्रायल ऑगस्ट महिन्याच्या अखेर पर्यंत किंवा सप्टेंबरच्या पहिल्या आठवड्यात सुरु होणार आहे. 

अधिक वाचाः  काय सांगता! गणेशोत्सवाच्या स्पेशल ट्रेनमध्ये केवळ 'इतके'च प्रवासी

आयसीएमआरचा पालिका रुग्णालयांवर विश्वास अधिक

सर्व स्वयंसेवकाच्या संमतीनेच ही चाचणी केली जाणार आहे. देशभरातून या मानवी चाचणीसाठी केईएम आणि नायरची निवड करण्यात आली आहे. यावरुन आयसीएमआरचा पालिका रुग्णालयांवर अधिक विश्वास असल्याचे सिद्ध झाले आहे. शिवाय, मुंबई महानगरपालिकेच्या रुग्णालयांची विश्वासार्हता यातून सिद्ध झाले आहे. आयसीएमआरच्या मार्गदर्शक तत्वानुसार, सर्व चाचण्या केल्या जातील, अशी माहिती पालिकेचे अतिरिक्त आयुक्त (आरोग्य) सुरेश काकाणी यांनी दिली आहे.

दुसऱ्या आणि तिसऱ्या टप्प्यातील क्लिनिकल ट्रायल मानवी चाचणी केली जाईल. ऑक्सफर्ड युनिव्हर्सिटीची ही ट्रायल आहे. प्रत्येक सेंटरमध्ये 160 सुदृढ स्वयंसेवकावर ही चाचणी केली जाईल. कोविशिल्ड वॅक्सिन दिली जाईल, असं   केईएम रुग्णालयाचे अधिष्ठाता डॉ. हेमंत देशमुख यांनी सांगितलं आहे.

(संपादनः पूजा विचारे)

ICMR trust in municipal hospital for corona tests