मुंबई : रस्त्यावरील भिकारी मास्क न वापरता लोकांच्या जवळ येतात, सुरक्षित अंतर ठेवत नाहीत आणि त्यांच्यामुळे कोव्हिड-19 चा संसर्ग वाढत आहे, असा दावा करणारी जनहित याचिका मुंबई उच्च न्यायालयात करण्यात आली. पुण्यातील नागरिक ज्ञानेश्वर दारवतकर यांनी एॅड. शेखर जगताप यांच्यामार्फत ही याचिका केली आहे.
याचिकेवर मुख्य न्या. दिपांकर दत्ता आणि न्या. माधव जामदार यांच्या खंडपीठापुढे व्हिडिओ कॉन्फरन्सिंगमध्ये आज सुनावणी झाली. रस्त्यावर मोठ्या प्रमाणात अनेक महिला, लहान मुले बेशिस्तपणे भीक मागत असतात, त्यामुळे कोरोनाचा धोका अधिक संभवतो. तरी राज्य सरकारने यावर योग्य ते नियोजन करावे, अशी मागणी याचिकादाराने केली आहे.
शिकलेले, सुसंस्कृत लोक सुद्धा कोरोनाचा संसर्ग टाळण्यासाठी सोशल डिस्टन्सिंग पाळणे, मास्क घालणे आणि इतर सुरक्षाविषयक तत्वांचे पालन करत नाहीत, मग केवळ भिकाऱ्यांनाच दोष कशाला द्यायचा, असा थेट सवाल मुंबई उच्च न्यायालयाने शुक्रवारी उपस्थित केला. संपूर्ण देश कोरोनामुळे कठीण प्रसंगातून जात आहे. केवळ भिकाऱ्यांना दोष कशाला द्यायचा, असा प्रश्न खंडपीठाने याचिकादाराला केला. शिकलेली सुसंस्कृत लोकही नियमांचे पालन करीत नाही, मग फक्त भिकाऱ्यांना दोष देणे चूक आहे, त्यामुळे संवेदनशील भूमिका घ्या, असे खडे बोल न्यायालयाने ऐकविले.
राज्य सरकार आणि पुणे महापालिकेने याचिकेत उपस्थित मुद्यांवर खुलासा करावा, असे निर्देश न्यायालयाने दिले आहेत. याचिकेवर पुढील सुनावणी 14 ऑगस्ट रोजी होणार आहे.
----
संपादन : ऋषिराज तायडे
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.