Mumbai Airport Fire: मुंबई विमानतळावर मोठी घटना, प्रवाशांना घेऊन जाणाऱ्या बसला अचानक लागली आग, अग्निशमन दल घटनास्थळी

मुंबई विमानतळावर प्रवाशांना घेऊन जाणाऱ्या एका बसला आग लागली. ही घटना मंगळवारी (१९ ऑगस्ट २०२५) दुपारी १२ ते १ वाजण्याच्या दरम्यान विमानतळाच्या डोमेस्टिक टर्मिनल टी-१ वर घडली. विमानातून प्रवाशांना टर्मिनलवर घेऊन जाणाऱ्या इंडिगो प्रवासी बसच्या पुढच्या भागाला आग लागली. विमानतळाच्या अग्निशमन दलाच्या पथकाने आगीवर नियंत्रण मिळवले आणि काही वेळातच आग विझवण्यात आली.