मुंबईत फेब्रुवारी महिन्यात चौथ्यांदा शून्य मृत्यूची नोंद

मुंबई : मुंबईत फेब्रुवारी महिन्यात चौथ्यांदा शून्य मृत्यूची (Zero corona deaths) नोंद झाली. तिसरी लाट सुरू झाल्यानंतर २ जानेवारीनंतर १५ फेब्रुवारी रोजी मुंबईत एकाही कोरोना रुग्णाची नोंद (corona patients) झाली नव्हती. त्यानंतर १६ आणि १७ फेब्रुवारीला मुंबईत शून्य मृत्यूची नोंद झाली. आज पुन्हा एकदा एकही मृत्यू नोंदवला गेला नाही.

मुंबई पालिका क्षेत्रात कोविडचा पहिला रुग्ण मार्च २०२० मध्ये आढळला होता. त्यानंतर १७ ऑक्टोबर २०२१ रोजी पहिल्यांदा शून्य मृत्यूची नोंद पालिका क्षेत्रात झाली होती. त्यानंतर डिसेंबर २०२१ मध्येही सात वेळा एकाही मृत्यूची नोंद झाली नाही. मुंबईत सक्रिय रुग्णांचा आकडा १,५११ इतका आहे.

राज्यात केवळ सहा मृत्यू

राज्यात आज १,४३७ नवीन बाधितांची नोंद झाली. सहा रुग्णांचा मृत्यू झाला. मृतांचा एकूण आकडा १,४३,५८२ इतका झाला आहे. सक्रिय रुग्णांची संख्या कमी होऊन १६,४२२ वर आली आहे. राज्यातील मृत्युदर १.८२ टक्क्यांपर्यंत खाली आला आहे.