इथं रुग्णालयचं बनलंय 'कोरोनाचा हॉटस्पॉट'; कर्मचाऱ्यांवरील अतिरिक्त ताणाचा परिणाम

इथं रुग्णालयंच बनलंय 'कोरोनाचा हॉटस्पॉट'; कर्मचाऱ्यांवरील अतिरिक्त ताणाचा परिणाम
इथं रुग्णालयंच बनलंय 'कोरोनाचा हॉटस्पॉट'; कर्मचाऱ्यांवरील अतिरिक्त ताणाचा परिणाम

कळवा  : ठाणे महापालिकेच्या कळवा येथील छत्रपती शिवाजी महाराज रुग्णालयात (कळवा रुग्णालय) मागील काही दिवसांपासून रुग्णालयातील कर्मचारी, डॉक्टर, परिचारिका यांच्यात कोरोनाचे रुग्ण वाढू लागल्याचे दिसून येत आहे. सध्यस्थितीला रुग्णालयात 29 डॉक्टर व 43 परिचरिकांना कोरोनाची लागण झाली असून क्षयरोग विभागातील एका डॉक्टरचा कोरोना संसर्गामुळे मृत्यू देखील झाला आहे.


कळवा मुंब्रा परिसरात मोठ्या प्रमाणात झोपडपट्टी व दाटीवटीच्या वस्त्या असून याठिकाणचे अंतिम टप्प्यातील अनेक रुग्ण कळवा रुग्णालयात दाखल होतात. त्यामुळे त्यांच्या बरोबर रुग्णालयातील कर्मचारी व परिचरिकाना कोरोनाची लागण होत आहे. त्यातच ठाण्यातील सामान्य रुग्णालयाचा संपूर्ण भार सध्या कळवा रुग्णालयाला सोसावा लागत असल्याने परिचरिकांवर कामाचा ताण सध्या प्रचंड प्रमाणावर वाढत आहे. त्यामुळे त्यांना सध्या डबल ड्युटी करावी लागत असून सुट्ट्या देखील मिळत नसल्याने कर्मचाऱ्यांचे मोठ्या प्रमाणात हाल होत आहेत. त्यामुळे रुग्णालयातील अनेक कर्मचारी आजारी पडत असून त्यांना कोरोनाची लागण देखील होत आहे. वाढत्या बाधित कर्मचाऱ्यांमुळे सध्या कळवा रुग्णालय 'कोरोना  हॉटस्पॉट' ठरत आहे. दरम्यान कामाचा भार कमी होण्याकरीता रुग्णालयात नवीन कर्मचाऱ्यांची भरती करण्याची मागणी येथील कर्मचाऱ्यांकडून होत आहे.

रुग्णालयातील डॉक्टर, परिचारिका  व कर्मचारी यांचा कामाचा वाढता ताण लक्षात घेता प्रशासनाकडे कर्मचाऱ्यांची नवी भरती करण्या संदर्भात प्रस्ताव पाठवला आहे, त्याची दखल घेतली जाईल अशी अपेक्षा आहे.

– डॉ. प्रतिभा सावंत,  अधिष्ठाता, छत्रपती शिवाजी महाराज रुग्णालय, कळवा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com